Мавзолейга нигә ашыгыч ярдәм чакырганнар?

Интернет пабликларда һәм социаль челтәрләрдә бер фото бик популяр булып китте. Бу фотода «Ашыгыч ярдәм» табиблары Мавзолейга кереп баралар. Әлеге фото инде шактый борынгы - 2018 елгы булса да, ни өчендер интернетта ул хәзер генә популярлашты. Халык медицина хезмәткәрләренең күпкә соңга калулары турында шаярта. Мавзолейга чакырылу сәбәпләренең төрле версияләрен яза. Күпләр Владимир Ильичны «терелтергә» килгән, «Ленин исән, ул исән булмаса, мавзолей төшке ашка ябылмас иде», дип көлә.

Интернет СМИ исә бу хәлне болай аңлата - мавзолейга кергән берәүнең кинәт хәле начарланган, аңа кичекмәстән медицина ярдәме таләп ителгән. Бу кеше язмышы ничек булып беткәне билгеле түгел.

Фото: twitter.com