Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Стресслы хәлләргә ни рәвешле ресурслар тупларга

    Мәдәни мираста Ислам: галимнәрнең карашы

    8-10 декабрьдә Казанда «Россия музейларында ислам мирасы» дигән Бөтенроссия конференциясе узачак. Фәнни форум Татарстан җирендә ислам динен кабул итүгә 1100 ел тулуга багышланган.

    Докладлар белән Мәскәү, Санкт-Петербург, Казан, Азов, Грозный, Саранск, Истанбул, Баку һәм башка шәһәрләрнең музей, архив, китапханә һәм мәгариф учреждениеләре галимнәре, белгечләре чыгыш ясаячак.

    Катнашучылар мөселман мәдәнияте предметларының уникаль коллекцияләре турында сөйләячәкләр. Ислам тарихы, бүгенге дөньяда ислам сәнгатенең роле, рухи кыйммәтләрне саклау, динара диалог турындагы темаларга сөйләшәчәкләр.

    Конференция Ислам мәдәнияте, фән һәм мәгариф фонды ярдәме белән Казанда узган фәнни форумнарны дәвам итә. Бу ислам дөньясының мәдәни мирасын өйрәнү һәм тәкъдим итү буенча хезмәттәшлекне үстерүдә тагын бер адым.

    Реклама

    8 декабрьдә конференция кысаларында ТР Милли музеенда түгәрәк өстәл узачак. Тема – «Хәзерге заман җәмгыятенең традицион рухи кыйммәтләрен саклау ресурсы буларак конфессияара хезмәттәшлек».

    9 декабрьдә Казан Кремленең кабул итү урыннарында Татарстан Республикасы Милли музее коллексиясеннән «Татар шамаиле» һәм Петербург Ислам мәдәнияте музее коллекциясеннән «Биш очлы йолдыз белән Коръән» күргәзмәләре тәкъдим ителәчәк.

    10 декабрьдә конференция кунаклары борынгы Болгарда булачак, анда 1100 ел элек ислам динен кабул иткәннәр. Истәлек билгесе экспозицияләре һәм Болгар цивилизациясе музее, уникаль архитектура һәйкәлләре белән танышачаклар.

    Фәнни форум ТР Милли музее тарафыннан республикасының Мәдәният министрлыгы ярдәме белән оештырылды. Оештыручылары – Мәрҗани исемендәге Тарих институты, Болгар ислам академиясе һәм Россия ислам институты.

    Чыганак: ТР Милли музееның матбугат үзәге 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Арктикага чакыру
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!