Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Синең тавышың Татарстанны тагын да яхшырак итәргә ярдәм итәчәк!

    Медведев: Россиядә хәзер Covid-19 аркасында локдаун кертү файдасыз

    Илдә коронавирусның югары патогенлы төре таралган очракта гына киләчәктә локдаун кертелү ихтималын әйтә Россия Федерациясенең Иминлек советы рәисе урынбасары.

    Яңа штаммнар таралу аркасында Россиядә локдаун кертелми. Россия Федерациясенең Иминлек советы рәисе урынбасары Дмитрий Медведев хәзерге вакытта локдаун кертүнең мәгънәсе юк дигән фикерен әйтте.

    «Хәзер локдаун кертүнең мәгънәсе юк, бигрәк тә яңа штаммнар барлыкка килгән шартларда. Шуның өчен, Мәскәүнең үзендә дә авыручылар саны артуга карамастан, локдаун игълан ителми, чөнки бу мәгънәсез», — дип белдерде Медведев. Бу хакта РИА Новости яза.

    Реклама

    Медведев киләчәктә илдә коронавирусның югары патогенлы төре таралган очракта гына локдаун кертелү ихтималын әйтә. Шул очракта гына әлеге чара үзен аклаячак, диелә хәбәрдә.

    «Кызганыч, үтә дә йогышлы, югары патогенлы, бик куркыныч, аннан да куркынычрагы инде мөмкин булмаган штамм барлыкка килүен дә күз алдына китерергә мөмкин. Бу очракта инде йозак элү турында игълан итәргә туры киләчәк», — дип аңлатты ул, мондый хәлнең илдә булмаячагына өметләнеп.

    Күптән түгел Россия Президентының матбугат сәркатибе Дмитрий Песков хакимиятнең илдә бернинди дә локдаун кертү турында фикер алышмавын белдергән иде.

    Чыганак: Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!
    • "Татмедиа" онлайн-кибете