М.ГОРЬКИЙНЫҢ ДӨНЬЯДАГЫ БЕРДӘНБЕР АВЫЛ МУЗЕЕНДА АЛМА БӘЙРӘМЕ

19 августта Красновидово авылында Татарстан Республикасы Милли музее Кама Тамагы районы администрациясе, Красновидово авыл җирлеге белән берлектә Татарстан Мәдәният министрлыгы ярдәмендә «Яблочный Спас в Красновидово» дип аталган музей-фольклор бәйрәме үткәрә.

Красновидово авылында 40 елдан артык Татарстан Республикасы Милли музееның филиалы М.Горькийның дөньядагы бердәнбер авыл музеенда эшли. Яшь Алексей Пешковның авыл тарихында аерым урын алып тора. Монда язучы 1888 елның язында үзенең дусты, революционер М.А. Ромась чакыруы буенча килә, ул авылда бакалея лавкасы тота һәм крестьяннар арасында революцион агитация белән шөгыльләнә.

Татарстан Республикасының Кама Тамагы районындагы Иделнең матур ярында урнашкан борынгы рус авылы элек-электән алмагач бакчалары белән дан тоткан һәм искиткеч пейзажлар белән сокландырган: риваять буенча, Екатерина II бакчаларга карап "Нинди кызыл төс!", дип гаҗәпләнүен белдергән, М.Горький  исә үзенең “Минем университетларым”да: "Алмагачлар чәчәк  ата, авыл алсу кар көртләре һәм ачы ис белән капланган, ул бөтен җиргә үтеп керә”, - дип язган.

Музей бәйрәме киң танылу алды, биредә халык гореф-гадәтләре, Россия һәм Татарстан тарихы һәм мәдәнияте яктыртыла.

Быел бәйрәм тар форматта оештырыла: авыл халкы өчен музей бакчасында Кама Тамагы районының авыл фольклор коллективлары чыгыш ясаячак, музей ишегалдында авыл балалары мастер-класслар һәм уеннар катнаша алачак, дип хәбәр итә проектны оештыручылар.

Бәйрәмдә коронавирус инфекциясенең таралуын булдырмас өчен барлык чаралар да каралачак. Программа онлайн-режимда да үтә: ТР Милли музейның социаль челтәрләре битләрендә бәйрәмнән махсус видео-репортажлар күрсәтеләчәк.