Логотип Идель
Эксклюзив

 «Милли хәзинә» Идел буе яшьләр фестиваленең гала-концерты узды

Конкурс туган телләр һәм халыклар бердәмлеге елы уңаеннан, 2022 елның 1 ноябреннән 7 декабренә кадәр үтте.

8 декабрь көнне КФУның Филология һәм мәдәниятара багланышлар институтында  «Милли хәзинә» Идел буе яшьләр фестиваленең гала-концерты узды. Конкурс туган телләр һәм халыклар бердәмлеге елы уңаеннан, 2022 елның 1 ноябреннән 7 декабренә кадәр үтте. Анда Идел буе федераль округы төбәкләре гомуми белем бирү мәктәпләренең 9-11 сыйныф укучылары, югары, урта махсус уку йортларының  иҗат коллективлары һәм аерым башкаручылар катнашты.

Чара Идел буенда яшәүче халыкларның телен, мәдәниятен һәм гореф-гадәтләрен саклау һәм үстерү максатыннан үткәрелде. Аның төп бурычы - яшьләр арасында  халык вокалын, музыканы, хореографияне һәм эстрада әсәрләрен популярлаштыру, шулай ук борынгы һөнәрчелекне торгызу, онытылган технологияләрне искә алу.

Конкурс түбәндәге номинацияләрдә үтте:  вокал, инструменталь башкару; вокал-инструменталь ансамбль, хореография сәнгате, вокал-хореография ансамбле, театр сәнгате (кече формаладагы театр, спектакльләр, әкиятләр фрагментлары, йолалар), нәфис сүз (халык прозасы һәм поэзия, халык эпосы, әдәби-музыкаль композиция); мода театры, декоратив-гамәли иҗат (агачка бизәк төшерү, күн мозаикасы, керамика, нәфис чигү, туку, тукымага бизәк төшерү, халык уенчыгы һ.б, рәсем сәнгате, графика.

Тантанада җиңүчеләрне бүләкләделәр, рәхмәт сүзләре яңгырады. 

«Милли кием, халык җыры, дәртле бию — болар барысы да халыкларыбызның матурлыгын чагылдыра», дип искәртте фестивальнең жюри әгъзасы, педагогика фәннәре докторы, Язучылар берлеге рәисе әгъзасы  Галимуллина Әлфия Фоат кызы. Нәтиҗә ясап, «Милли хәзинә» фестивале куйган бурычына тулаем иреште дип әйтергә була.

 

Гүзәл Закирова

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев