МИЛЛИ "ТӨНГЕ ВЕЛОФЕСТ"

25-нче сентябрьдә Казанда «Төнге велофест» – төрле халыкларның мәдәнияте белән бәйле урыннар буенча экскурсия узачак. Быел акция Туган телләр һәм халыклар бердәмлеге елына багышланган. Оештыручылар катнашучыларны шлемнар һәм яктылыкны кире кайтара торган жилетлар гына түгел, үз экипировкасын милли элементлар белән бизәүне дә сорый.

«Велойөрүнең маршруты консуллыклар, Татарстан халыклары дуслыгы йорты, шулай ук мәчетләр, чиркәүләр, синагогалар һәм башка объектлар яныннан уза, – дип сөйләде «Татар-информ» мәгълүмат агентлыгында узган матбугат конференциясендә Казанның туризмны үстерү комитеты директоры Дарья Санникова. – Велоэкскурсия радоида спикерлар – туристлык тармагының күренекле вәкилләре катнашында трансляцияләнәчәк, алар чараның темасы белән бәйле төп тарихи урыннар турында сөйләячәкләр. Минемчә, бу Казанны яңа яктан ачу ягыннан бик мөһим булачак».

Катнашучыларны җыелуы Беренче Май мәйданында 20:00 сәгатькә билгеләнгән, стартның башлану вакыты 22:00 сәгатьтә. «Төнге велофест»та катнашучылар Казанның тарихи урыннары буйлап Фукс бакчасында ял итү һәм тамак ялгап алу өчен, Татарстан Халыклары дуслыгы йорты янында һәм Кабан күле яр буенда тукталышлар белән барачак. Маршрутның соңгы ноктасы «Казан» гаилә үзәге булачак – анда велосипедчылар Кремль дамбасы буйлап барачак.

«Без, әлбәттә, катнашучыларның максималь саны өчен ачык, ләкин барысын да коронавирус инфекциясеннән шәхси саклану чараларын куллануны һәм саклык чараларын үтәүне сорыйбыз», – дип чакырды «Бибрайт Ивент» компаниясе җитәкчесе Татьяна Яковлева. «Катнашуга 18 яшьтән өлкәнрәк кешеләр, балалар – әти-әниләре озатуында гына рөхсәт ителә. Шлем, яктылык кайтаргыч элементлы кием, велосипедта фонарьлар булу мәҗбүри. Быел «Төнге велофест» Туган телләр һәм халыклар бердәмлеге елына багышланганга күрә, катнашучылар үзләренең экипировкаларын милли элементлар белән көчәйтсәләр, без рәхмәтле булачакбыз», – диде Т.Яковлева.

Оештыручылар велофест уздыру төнендә юлларның кайбер участокларында хәрәкәтне чираттагы чикләү планлаштырылуын өстәде.

Чыганак: kzn.ru