Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    Видео
    • спорт
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1106
      0
      6

    “Мин монда чит түгел!” - Ислам мәдәнияте музеенда таҗик рәссамы

    Казан Кремленең Ислам мәдәнияте музеенда “Мин монда чит түгел!” күргәзмәсенең геройлары белән очрашулар дәвам итә. 16 февраль 13:00 сәгатьтә музей кунаклары Шокир Турдиев белән очрашачак.

    Шокир - профессиональ тәрҗемәче, көнчыгыш белгече. Әфганстанда һәм Таҗикстанда озак еллар эшләгән. Әле күптән түгел генә ул гаиләсе белән Татарстанда күченеп кайтты, Казан каласында төпләнде. “Мин монда чит түгел!” күргәзмәсенең 25 герое арасында аның исеме дә аталган.
    16 февраль көнне ул Әфганстанда ничек хезмәт итүе һәм Иранның танылган каллиграфларыннан дәресләр алуы турында бәян итәчәк, Таҗикстанда калдырылган картиналарның фотосурәтләрен күрсәтәчәк һәм Казанда оештырылган эшләр күргәзмәсе буенча экскурсия уздырачак. Тамашачыда бигрәктә фарсы шагыйре Фирдәүси портреты аеруча кызыксыну уята, ул Хьюстонда (АКШ) узган каллиграфия конкурсында беренче урынга лаек булган.
    Очрашуда язмыш, гаилә, иҗат, гомер буе белем алу, көтү һәм үзгәрешләр турында сүз барачак. Шокир Турдиев ничек Казан кешесе булып китү серләрен дә ачачак. Музейга килүчеләрне үзенчәлекле бүләк тә көтә.
    “Очрашу форматы - artist talk, аның беренче өлешендә рәссам бирелгән темага сөйли, үз фикерләре белән уртаклаша, ә икенче өлеше диалог, фикер алышуны күздә тота”, - ди Ислам мәдәнияты музее җитәкчесе Илнур Низамиев. - Безнең төп максат Татарстанга күчеп кайткан талантлы эмигрантлар белән таныштыру. Аларны үз җирлегебездә иркен хис итәргә, иҗатка ымландыруга булышу”.
    "Мин монда чит түгел!" эзләнү-күргәзмәсе "Даһи урыны. Яңа туган якны өйрәнү" конкурсы лауреаты, ул "Россия мәдәният фонды" тарафыннан бирелгән грант ярдәмендә тормышка ашырылды.
    Фото: Kul-sharif.com

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Тавыш бирү
    • «За выдающихся татарстанцев»
    • Конкурс!
    • Сүз