«МИНЕМ ТАТАРСТАН» - ТАТАР ТЕЛЕН ҮСТЕРӘ

"Викимедиа РУ” коммерциячел булмаган партнерлык һәм татар теле викимедиачылар “Минем Татарстан” республикабызның географиясе, мәдәнияте, тарихы һәм бүгенгесе турында Википедия мәкаләләрен туплау һәм күбәйтүгә багышланган тематик марафон.

Әлеге бәйге 2020 нче елның 15 декабереннән 2021 нче елның 31 гыйнварына кадәр уза. Яңа проект ТР Президенты каршындагы татар телен саклау һәм үстерү мәсьәләләре комиссиясе белән башкарылган системалы хезмәттәшлек кысаларында туды һәм  татар телле контентны үстерүгә ярдәм итәчәк, ди бәйгенең оештыручысы һәм жюри рәисе Фәрһад Фәткуллин.

Бәйгедә мәктәптә укучы балалардан башлап олы буын вәкилләре дә катнаша ала. Катнашучылар татарча Википедиягә моңарчы кертелмәгән Татарстанның географик, тарихи, мәдәни һәм башка заманча феноменнар турында белешмә-энциклопедик эчтәлек булдыруга өлеш кертә алачак.  Дүрт яки аннан күбрәк квалификацион мәкаләне тәкъдим иткән катнашучыларга акчалата бүләк каралган. Приз фонды 200 мең сум.