Минтимер Шәймиев: "Марат Хөснуллинны Мәскәүгә чакырулары очраклы түгел"

Күптән түгел Мәскәү мэры урынбасары булып эшләгән Марат Хөснуллин Россиянең вице-премьеры булды. 

Марат Хөснуллин мэриядә шәһәр төзелеше сәясәте һәм төзелеш мәсьәләләрен алып бара, ул сәясәткә килгәнче бизнес белән шөгыльләнгән. Марат Хөснуллин җитәкчелек иткән вакытта республикага зур күләмдә федераль инвестицияләр җәлеп ителде. 21 гыйнварда Россия премьер-министры Михаил Мишустин Президент Владимир Путинга Хөкүмәтнең яңа составын тәкъдим итте. Ул Россия Президенты тарафыннан Федераль Җыенга Юлламасында куелган бурычларны тиз арада тормышка ашыруга керешергә кирәк, - дип ассызыклады.
“Беренче чиратта бу – ил халкының тормыш дәрәҗәсен күтәрү, балалы гаиләләргә ярдәм итү, гражданнарның керемнәрен арттыру, сәламәтлек саклау һәм мәгариф өлкәсендә сыйфатлы хезмәт”, - диде ул.
Марат Хөснуллинның тәҗрибәсе төзелеш тармагын үстерү өлешендә Россия хөкүмәте алдына куелган мәсьәләләр хәл ителәчәгенә мөмкинлек бирә. Бу хакта Татарстан Президенты Рөстәм Миңнеханов хәбәр итте. 
“Марат Шакирҗан улы бик катгый җитәкче. Аның Мәскәүдә хәл ителгән мәсьәләләре Хөкүмәт алдына куелган төзелеш тармагы, региональ үсеш өлкәсендә куелган бурычлар тормышка ашырылачагына мөмкинлек бирә”, - диде ул.
ТР Дәүләт Киңәшчесе Минтимер Шәймиев хәбәр иткәнчә, Марат Хөснуллин министр булып эшли башлагач, Татарстанда төзелеш көчләре җитмәгән. Хәзер республикада күп кенә бурычларны хәл итәргә мөмкинлек бирүче төзелеш индустриясе, шул исәптән милли проектларны гамәлгә ашыру  булдырылган. Марат Хөснуллин җитәкчелегендә республикада тузган торакны бетерү программасы, метрополитен төзелеше кебек масштаблы проектлар гамәлгә ашырылган. “Марат Хөснуллин Татарстанда бик зур тәҗрибә туплады. Шуңа күрә аны Мәскәүгә чакырулары да очраклы түгел. Без Мәскәүдә бөтен инфраструктура буенча зур үзгәрешләр булганын күрәбез, бу өлкәдә аның өлеше зур, - дип ассызыклады Минтимер Шәймиев.
Сүз уңаеннан, Россия Президенты Владимир Путин кичә РФ Хөкүмәте Рәисенең беренче урынбасарын, урынбасарларын, шулай ук федераль министрларны билгеләү турындагы указларга кул куйды.

чыганак: tatar-inform

Фоточыганак: http://krpress.ru/