Минтимер Шәймиев укытучылар әзерлеге белән танышты

19 март көнне Татарстан Республикасының Дәүләт киңәшчесе Минтимер Шәймиев Казан  (Идел буе) федераль университетының педагогик белем бирү юнәлеше үзенчәлекләре белән танышты.

Әлеге очрашуда Дәүләт киңәшчесе полилингваль белем бирү тирәлеге өчен яшь белгечләрне әзерләү системасы белән якыннан танышты. Казанда Минтимер Шәймиев тәкъдиме белән белем бирү оешмасы төзелү эшләре башланды. Әлеге мәктәптә укыту өч телдә алып барылачак – татар, рус һәм инглиз телләрендә. Моннан тыш, мәктәп эченә балалар бакчасы, мәктәп-интернет та керәчәк. Полилингваль мәктәпнең ачылуы 2020 елның 1 нче сентябренә планлаштырылган.

Минтимер Шәрип улы Шәймиев тырышлыгы белән борынгы ата-бабаларыбызның изге җире булган Болгар һәм Зөя шәһәрләренә яңа сулыш өрелде. Бүгенге көндә әлеге урыннар ЮНЕСКО оешмасы мирасына кертелгән. Хәзер исә дәүләт киңәшчесе сәнгать өлкәсеннән мәгариф өлкәсен ныгытуга кереште. Яңа буын өчен полилингваль мәктәп ачу теләген ул 2018  елның ахырында белдергән иде. Әлеге яңа комплекска Минтимер Шәрипович “Адымнар – к знаниям и согласию” исемен тәкъдим итә.

Рания Гыйлемханова, КФУ студенты