Мисырга юллар ачылачак!

Киләсе елдан Русиялеләр яңадан Мисырга оча алырга мөмкин. Ел башында Илбашы анда эш сәфәре белән очарга планлаштыра.   

Бу хакта Русия Президентының Якын Көнчыгыш һәм Африка илләре буенча махсус вәкиленә, Чит ил эшләре министрлыгы башлыгы урынбасары Михаил Богдановка сылтама белән ТАСС хәбәр итә.

Пирамидалар иленә очышлар 2015 елның ноябрендә, теракт аркасында тукталган иде.

Мәскәү һәм Каһирә «үз вакытында» елына ике тапкыр Русиядә һәм Мисырда саммитлар үткәрү турында килешкән булган. Киләсе очрашу 2020 елда Мисыр җирендә булырга тиеш. Шул сәбәпле, тиздән Мисырга авиаочышлар яңартылырга мөмкин.

Русия туристлары өчен бу бик әйбәт яңалык булыр иде.

Чыганак: news.rambler.ru