МӘХӘББӘТНЕ САТЫП АЛЫРГА МӨМКИНМЕ?

Казан егете, Россия актеры Шамил Хаматов Казанга киләчәк.

15 гыйнвар көнне 18:30 сәгатьтә «Мир» кинотеатрында «Корпорация Ad Libitum» фильмының премьерасы күрсәтелә. Премьерада кинокартина режиссеры Полина Ольденбург һәм төп рольне башкаручы Шамил Хаматов да катнашачак.

«Корпорация Ad Libitum»- хәзерге вакытта мөһим темага кагылышлы «Игра» һәм «Черное зеркало» фильмнары стилендә төшерелгән кискен сюжетлы триллер.

Төп герой-уңышлы журналист һәм үз эшенең чын фанаты, беренче карашка ул ниндидер романтикага яки авантюраларга ия түгел. Мондый кешеләр мәхәббәт хисен белми, алар өчен төп мәсьәлә — үзенә кызыклы тормыш табу. Хәзерге заманда уңышка ирешкән егет хатын-кызны үзенә гашыйк итә ала, ләкин үзен һаман ялгыз хис итәчәк. Көтмәгәндә генә ярату хисен сатып алу мөмкинлеге барлыкка килсә, нишләргә?

Әлеге маҗаралар, мәхәббәт һәм фәлсәфи мәсьәләләрдән торган күп катламлы тарих, чын -детектив триллер. «Мин киноның тамашачы күңелендә кала торганнарын яратам. Әсәр аны уйландырырга, дулкынландырырга тиеш. Үзем берничә тапкыр карарга теләгән фильм төшерәсем килә. Миңа мондый фильмнар җитми", - ди үз эшен Полина Ольденбург.

«Корпорация Ad Libitum» Россия киносының XXVIII «Европага тәрәзә» фестивале программасына сайлап алынган.