Мәскәүдә Казанга килгән өч рейс - риск зонасында

Коронавирус белән көрәшүче Татарстан оператив штабы Казанга COVID-19 белән авыручыларның кайсы рейс белән килүләрен әйтте.

Мәскәүдән Казанга килгән өч авиарейс шикле: SU 1196 (12 мартта килде), SU 1276 (17 мартта) һәм SU 1278 (18 мартта). Моннан тыш, коронавирус белән авырган бер кеше Татарстан башкаласына Мәскәүдән поездда, 024 М рейсында, 6нчы вагонда килгән.

Оператив штаб әлеге рейслар белән килгән барлык кешедән 14 көн дәвамында үзлектән изоляцияләнеп, өйдә торуларын сорый. Аларга якыннары белән элемтәне максималь дәрәҗәдә чикләргә, шәхси гигиена һәм дезинфекция режимын сакларга, шулай ук бинаны җилләтергә киңәш ителде.

Югарыда аталган рейсларның пассажирларның территориаль сырхауханәгә яки кайнар линиягә (8-800-222-59-00) үзләре турында хәбәр итүләрен сорыйлар, ул көн саен 7.30 сәгатьтән 20.00 сәгатькә кадәр эшли. Авыру билгеләре килеп чыкса, табибны өйгә чакыртырга кирәк.

Чыганак: tatar-inform.tatar