Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Соры хезмәт хакы

    Мәскәүдә яшүсмерләр өчен "Спутник V" вакцинасын тикшерү башланды

    Мәскәүдә 12-17 яшьлек яшүсмерләр өчен "Спутник V" вакцинасын клиник яктан тикшерү башланды. Ул ике балалар хастаханәсе базасында уза, дип хәбәр итте башкала мэрының социаль үсеш мәсьәләләре буенча урынбасары Анастасия Ракова.

    "Гамалеи исемендәге үзәк белән берлектә без 12-17 яшьлек яшүсмерләр өчен "Спутник V" вакцинасын клиник яктан тикшерә башладык", - диде ул.
    Тикшеренүдә моңарчы COVID-19 белән чирләмәгән яшүсмерләр катнаша.

    Ракова сүзләренчә, хәзер балаларны алып баручы ике хастаханә - Морозов балалар хастаханәсе һәм З.А. Башляева исемендәге балалар хастаханәсе базасында тикшеренүләрнең беренче һәм икенче фазалары уза.

    Моның өчен катнашучыларның тиешле саны җыелган инде - 100 кеше. Беренче иреклеләр медицина тикшерүе, шул исәптән ПЦР-тест үткән.
    Исегезгә төшерәбез, "Спутник V" препараты инде 18 яшьтән өлкәнрәк кешеләрне вакцинацияләү өчен кулланыла. Яшүсмерләр өчен азрак доза каралган.

    Реклама

    Тикшеренү бер ел дәвам итәчәк. Бу вакыт дәвамында барлык яшь катнашучылар да хастаханәләрнең даими күзәтүе астында булачак. Беренче һәм икенче компонентлар кертелгәннән соң алар өч көнне изоляцияләнгән бокста стационарда уздырачак, анда аларны вакцинация алдыннан тагын бер кат караячаклар һәм аннары аларның хәлен күзәтәчәкләр. Шулай ук барлык вакцинацияләнгәннәр анализлар тапшырачак һәм махсус мобиль кушымтада үз-үзләрен күзәтү көндәлеген алып барачак, ә аларның хәлләрен табиблар телефон аша контрольдә тотачак.

    Тикшеренүнең өченче фазасы Мәскәүнең балалар поликлиникаларында узачак. Анда 250 кеше катнашачак, аларны быелның җәй азагында җыя башлаячаклар.

    Чыганак: Шәһри Казан

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы