Муса Җәлил туган көнне Милли музейга керү бушлай

15 февраль көнне Татарстан Милли музеенда каһарман шагыйрь Муса Җәлилнең туган көне уңаеннан «Моабит дәфтәрләре көне» оештырыла. 11.30 сәгатьтә музей янындагы М.Җәлил һәйкәленә чәчәкләр салу тантасы узачак.

Аннары музей кунаклары игътибарына Н.Җиһанов исемендәге Казан дәүләт консерваториясе студентлары, Г. Кариев исемендәге Татар дәүләт яшь тамашачы театры актерлары әзерләгән «Тик булса иде ирек…» программасы тәкъдим ителә.

Муса Җәлилне искә алу көнне халыкка шагыйрьнең Моабит дәфтәрләре күрсәтеләчәк. «12.20 сәгатьтә Татарстан Республикасында Гомумроссия халык фронтының Төбәк штабы җитәкчесе, Татарстан Республикасы «Отечество» берләшмәсе төбәк иҗтимагый яшьләр оешмасы советы рәисе Коноплев Александр Юрьевичның сәламләү сүзе яңгыраячак», - дип хәбәр итә Милли музейның матбугат үзәге.

Бу көнне «Җәлил укулары» халыкара әдәби шигырь укучылар конкурсы финалистларының да чыгышы көтелә. «Маяк булып киләчәк буыннарга яктырып…» Казан театр училищесы студентларының әдәби-музыкаль композициясе дә истәлекләр кичәсен тулыландырачак.

12.00 дән 14.00 гә кадәр музейга керү бушлай.

Аннан соң, «1941-1945 еллардагы Бөек Ватан сугышы чорындагы ату кораллары». Совет һәм немец ату коралын күрсәтү белән реконструкторлык дәресе тарих белән кызыксынучылар өчен махсус оештырла.

Көн дәвамында: барлык экспозицияләр,«М.Җәлил. Тарихларда укып ятларлык», «Батыр үлә, үлмәс ат алып…» күргәзмәләре эшли.

Фото: интернет