Музей паспорт өләшә

13 мартта 14.00 сәгатьтә ТР Милли музеенда "Мин - Россия гражданины! Мин - Татарстан баласы!" исемле чара уздырыла.  14 яше тулган Казанның яшь гражданнарына паспортлар тапшыру уңаыеннан оештырылган әлеге тантана традиция буенча үткәрелә икән. Бу хакта музейның матбугат хезмәте хәбәр итә.

Бу тантана музыка һәм экскурсия белән белән генә чикләнми. Яшь гражданнарның илнең төп документын, ягъни паспортны танылган шәхес кулларыннан алуы да көтелә.
Истәлекле көнне РФ гражданнары паспортларын егетләргә һәм кызларга танылган татар шагыйрәсе, Язучылар берлеге әгъзасы,  Эльмира Шәрифуллина тапшырачак.
"Мин-Россия гражданины! Мин-Татарстан баласы!" шигарен үзенә алган акция яшьләрнең  олы тормышка яңа адым ясау, Ватаныбызның киләчәге өчен җаваплылык формалаштыру әһәмиятен үз эченә ала.