Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      853
      0
      5

    "Мырау Батыр" китабына кем ия булды?

    Быел күренекле татар язучысы, галим-фольклорчы Нәкый Исәнбәт тууына 120 ел була. Шул нисбәттән, Татарстан китап нәшрияты без бәләкәй чакта укыган китапны яңартып чыгарган. Китап 2200 тираж белән дөнья күргән. 

    Үткән айда үзебезнең ВК төркемебездә шул китапны уйнаттык. Китапны аласы килгән кешегә ВК группабыздагы пост астында сериал яки шигъри әкият, яки Нәкый Исәнбәтнең башка әсәренә бәйле берәр истәлек язарга һәм постны репостларга кирәк иде.  

    Җиңүчене без калдырылган комментарий буенча билгеләдек. Редакция фикеренчә, иң шәп комементарийны укучыбыз Гүзәл Насыйбуллова язган:

    Реклама

    "Мыраубатыр" безнең балачакның бер өлеше! Ул сериал башлангач, туганнан бирле 3 ел Васька исемен йөрткән жирән мәче Мыраубатырга әйләнде. Каеннар арасыннан жырлап Рамил Төхфәтуллин килеп чыга. Егет дип тә әйтеп булмый, әле малай гына. Шул малайга без апай бн гашыйк идек. Без генә булмаганбыздыр. Ул чапан дииме ябынган. Шул чапаны миңа никтер карават жәймәсе булып тоела иде. Бездә шундыйрак бизәкле жәймә бар иде. Көзге каршына басып, шул жәймәне муенга бәйләп тә караган бар. Аннан бер урында Мыраубатыр тәрәз төбенә басып жырлый. Авылын сагынып, ахры. Бигрәк тәртипсез, тәрәз төбенә басарга ярамый бит, дип гаҗәпләнгәнем хәтердә. Әй, ул сериалдан безнең Васька-Мыраубатыр интекте инде. Чәчкә ободок куеп, Мәрьям булып уйный идем. Ободок, һичшиксез, кирәк. Чөнки Мәрьямнең чәче шундый. Аклы-каралы телевизордан караган әнә шул сериал иң истәлеклеседер, мөгаен", - дигән ул. Васьканың татар исеме алуы да, Рамил Төхвәтуллинның яшь чагын искә төшерү дә безнең кәефне бик күтәрде, кыскасы, Гүзәлне котлыйбыз! 

    Дуслар, безнең журналны, ВК, ФБ һәм инстаграм язылучыларын әле бик күп бүләкләр көтә. Безгә язылыгыз, яңалыкларны карап барыгыз! Безнең белән булганга рәхмәт!

    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз