Нарат күркәсеннән варенье

Май башында чыршы тирәсендә халык җыелып нидер җыйганын күреп бик гаҗәпкә калган идем. Кайнатма ясарга җыялар икән. Нарат күркәсен әле яшел, кечкенә чагында болай гына ашарга да була икән. Ашап карадым. Ылыс чәйнәгән кебек ләкин тешкә ябыша. Ә вареньесы искитмәле тәмеле! Җитмәсә файдалы да икән!

Май урталарыннан июнь урталарына кадәр булдыклы хуҗабикәләр яшь нарат күркәләре җыеп, шифалы һәм тәмле кайнатма әзерлиләр. Әлегә мондый рецептын белүчеләр күп түгел. Кайдандыр җылы яктан, Анападан кайтты буган ул. Монда сувенир буларак алып кайтучылар да байтак аны. Безнең якта да наратлар бар бит! Нигә үзебезгә кайнатмаска. 

Рецептын белгән кешедән сорадым. 

Июльдә нарат күркәләренең яңалары чыга башлый. Шуңа соңа калдым димәгез, бераздан тагын бер җыярга булачак.

Кайнатма өчен күркәләр 4 см дан артмаска тиеш.

1 кг нарат күркәсенә якынча 1 кг шикәр кирәк булачак. Күркәләрне әйбәтләп юып, шикәрле суга кайнатырга куябыз. Су кайнап чыккач әкренәйтәбез һәм тагын 40 минут чамасы кайнатабыз.Әледән әле карап торырга кирәк. Күбеге була.

Аннан күркәләрне беразга калдырып торабыз, кайнатмабыз тулысынча суынырга тиеш. Аннан аны тагын бер мәртәбә, якынча 30 минут кайнатабызһ һәм процессны тагын бер кабатлыйбыз. Банкаларга тутырып ябып куябыз.
Көненә 2-3 кашык кайнатма белән чәй эчкән кеше кыш буе сәламәт булачак. Күркәләрен чәйнәү ур куыгы өчен бик  файдалы. Бөер авырулына каршы да файдлы, иммунитетны да ныгыта икән!

Рецепрт һәм фотолар өчен Минхәйдәрова Гүзәлия дустыма рәхмәт!