Ни өчен теш пастасы куллану киңәш ителми һәм балалар ничә яшьтән ураза тота ала?

13 апрель көнне мөселманнар өчен изге Рамазан ае башлана, аның дәвамында дин тотучылар тәүлекнең якты вакытында, таңнан алып кояш баешына кадәр ураза тотачак.

Уразага әзерлек Рамазан аена кадәр 2-3 атна кала башланырга тиеш, чөнки уразаны үтәү хәлсезләнү һәм организмга зур йөкләнеш белән бара. Бу вакытта дөрес туклануны саклау, рационга күбрәк җиләк-җимеш, яшелчә һәм чикләвек кертү мөһим. Мөмкинлек булса ураза якынлашканчы кофедан баш тарту яхшырак, чөнки ул артериаль басым артуга этәрә, сусауны китереп чыгарырга мөмкин. Моннан тыш, рационнан фастфуд, майлы һәм борычлы ризыкларны алып атырга кирәк.

Балаларга ураза тоту 10-12 яшьтән яхшырак

Чөнки моңа кадәр аларның организмы ныгып җитмәгән була. Гәрчә минем балалалы 6-7 яшьтән ураза тоткан таныш мөселманнарым бар, шуңа күрә барысы да бик шәхси.