Зөлфия Камалованың җырына интерактив клип төшергәннәр

Зөлфия Камалова Йолдыз Миңнуллина шигыренә язылган “Алты көн ярату” исемле яңа альбомыннан алынган “Бишенче” җырына интерактив клип тәкъдим итте.  Клипның азагын тамашачы сайлый ала.

Бу ерак булмаган киләчәктә бер айти-компания хезмәткәрләре булган кызы һәм егете турындагы тарих. Кыз егеткә гашыйк, ә ул аларны дуслык кына бәйли, дип ышана. Ләкин хисләре зуррак нәрсәгә әверелә аламы? Нәкъ менә моны хисләрне коррекцияләү лабораториясендә эшләгән коллегасы белән сөйләшкән кыз ачыкларга ниятли. Чын теләкләрне ачыкларга бер-берсенә көйләү сеансы ярдәм итә. Дулкыннарны визуализацияләү реаль электроэнцефалография ритмнары нигезендә гамәлгә ашырылган. Тамашачыга сайлау тәкъдим ителә: сюжет алга таба нинди юл белән барачак - сездән тора!

Клипка сылтама: https://www.youtube.com/watch?v=Xu65inul45Y&feature=youtu.be

Зөлфия Камалованың әлеге җырын тере тавышка  23 декабрьдә Камал театры сәхнәсеннән тыңлап булачак. 

Клипны куючы оператор Юрий Данилов Казанда туган, аннары Мәскәүгә күчеп килгән. Аның эшләре арасында - Егор Крид, Алексей Воробьев һәм Black Star лейблы резидентлары өчен клиплар бар.