Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Стресслы хәлләргә ни рәвешле ресурслар тупларга

    Өлкәннәр декадасында пенсионерлар өчен Казан Кремле музейлары буйлап бушлай экскурсияләр үткәреләчәк

    Пенсионерлар Казан Кремле күргәзмәләрен һәм музейларын бушлай карый алачак. Экскурсияләр Өлкәннәр декадасында, 1 нче октябрьдән 10 нчы октябрьгә кадәр, Халыкара өлкәннәр көне кысаларында узачак.

    30 нчы сентябрьдә 11:00 сәгатьтә «Эрмитаж-Казан» үзәгендә пенсионерлар «Фламанд сәнгатенең алтын гасыры» күргәзмәсен бушлай карый ала. 4 нче, 6 нчы һәм 9 нчы октябрьдә 11:00 сәгатьтә алар өчен күргәзмә буенча күзәтү экскурсиясе үткәреләчәк. +7(843)567-80-34 телефоны буенча язылырга мөмкин.

    «Манеж» күргәзмәләр залында өлкән яшьтәге казанлылар өчен «Җепшеклек чоры»ннан «үзгәртеп кору»га кадәр. 1960-1980 еллардагы СССР сәнгате» күргәзмәсе буенча экскурсия уздырачаклар. Экскурсия 7 нче октябрьдә 12:00 сәгатьтә үткәрелә. Гаризаны +7(843)567-80-68 телефоны буенча калдырырга була.

    Ислам мәдәнияте музеенда «Идел буе мөселман цивилизациясе: Болгардан Казанга кадәр» күргәзмәсе ачылды. Экскурсияләр 1 нче, 3 нче, 5 нче, 7 нче һәм 9 нчы октябрьдә 14:00 сәгатьтә үткәреләчәк. +7(843)567-81-64 телефоны буенча алдан язылырга мөмкин.

    Татар халкы һәм ТР дәүләтчелеге тарихы музеенда экскурсияләр 1 нче, 2 нче һәм 7 нче октябрьдә 11:00 сәгатьтә планлаштырылган. Гаризалар +7(843)567-80-24 телефоны буенча кабул ителә.

    Туп сарае музеенда «Дворян Шереметевларның корал коллекциясе» күргәзмәсе эшли. Өлкәннәр өчен күргәзмә буенча экскурсия 2 нче октябрьдә 15:00 сәгатьтә үткәреләчәк. Ә 9 нчы октябрьдә 10:00 сәгатьтән 17:00 сәгатькә кадәр музейда «Чын хат» акциясе узачак, анда катнашучылар Россия һәм БДБ илләренең теләсә кайсы почмагына туганнарына һәм якыннарына хат яза ала. Катнашуга гаризаны +7(843)567-81-60 телефоны буенча калдырырга мөмкин.

    Реклама

    Татарстанның Табигать тарихы музеенда пенсионерлар өчен бушлай экскурсия 1 нче октябрьдә 13:00 сәгатьтә узачак. Ә 4-12 нче октябрьдә республика ветераннарының (пенсионерларының) халык иҗаты күргәзмәсе эшләячәк, килүчеләрне учреждениенең эш графигы нигезендә кабул итәчәкләр. Түбәндәге телефоннар буенча алдан язылырга мөмкин: +7(843)567-80-35, +7(843)567-80-37.

    Инклюзив программа

    4 нче октябрьдә 14.00 сәгатьтә рус ишарәләр телендә Казан Кремле территориясе буйлап экскурсия уздырачаклар. Гаризалар +7(843)567-80-29 телефоны буенча кабул ителә.

    Түләүсез чараларда катнашу өчен пенсия таныклыгы яки паспорт булырга тиеш, дип хәбәр итә «Казан Кремле» музей-тыюлыгының матбугат хезмәте.

    Исегезгә төшерәбез, 1 нче октябрьдән 10 нчы октябрьгә кадәр ТР башкаласында традицион Өлкәннәр декадасы узачак. Әлеге чорда Казан пенсионерлары шулай ук В.Аксенов, К.Васильев, Ә.Мәҗитов һәм Б.Урманче музейларын, И.Зарипов галерея-студиясен һәм башка учреждениеләрне бушлай карый ала. Ә 1 нче октябрьдә өлкәннәр өчен Казан зооботаника бакчасына керү бушлай булачак. Шул ук көнне алар 5 нче, 9 нчы, 10 нчы, 12 нче номерлы мунчаларда бушлай юына алачак.

    Өлкәннәр декадасында Казанда бәйрәм концертлары, хәйрия акцияләре, ярышлар һәм башка чаралар узачак. Әйтик, шәһәрдә «Тән һәм җан яшь булсын өчен» су спорт бәйрәме, рус бильярды буенча шәһәр турниры һәм «55 яшьтән узганнар» футбол турниры оештырыла.

    Чыганак: kzn.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Арктикага чакыру
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!