Президентыбыз да акциядә катнаша

Татарстан Президенты Рөстәм Миңнеханов та татарстанлылар башлап җибәргән Бәхет көне флешмобына кушылды. Әлеге флешмоб коронавирус белән бәйле карантиндагыларга таяныч булу максатыннан уздырыла.

Бүгенге көндә Татарстанда меңнән артык кеше мәҗбүри карантинда. Әлеге изоляция чит илләрдән кайтучылар өчен. Шул нисбәттән татарстанлылар флешмоб уздыра да инде. Бөтен социаль челтәрләр куркыныч хәбәрләр белән тулы булганда елмаюлы йөзләр күңелне тынычландыра, паникага бирелмәскә ярдәм итә. Флешмобта катнашырга теләгән һәркем #ВоВсе32 #мечтайсомной хэштеглары белән елмаюлы фотоларын кертә ала.