Путин Миңнехановның яңадан сайлану фикерен хуплады

Бүген Татарстан президенты Рөстәм Миңнеханов белән РФ президенты Владимир Путин видеоконференция аша очрашу уздырды.

Россия президенты Владимир Путин Татарстан президенты Рөстәм Миңнехановның 2020 елның көзендә узачак республика башлыгы сайлауларында катнашуын хуплады:

“Мин идарә вакытының чыгып баруын беләм. Татарстан төп күрсәткечләр буенча барлык Федерация субъектлары арасында лидер булып тора. Болар барысы да сезнең республика башында торуыгыз белән бәйле.  Шуңа күрә мин сезнең республика җитәкчесе вазыйфаларына кандидатлыгыгызны хуплыйм.”