Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Агачлар ни турында җырлый - белеп кайт! 11-нче августта Горький исемендәге Казан паркында ачык һавада «Агачлар ни турында җырлый» дигән спектакль премьерасы була. 3 көн дәвамында казанлыларның Идел буе халыклары әкиятләренә нигезләнгән куелышны күрү мөмкинлеге булачак. Йолалар һәм халык җырлары нигезендә куелган «Агачлар ни турында җырлый?» спектакле дүрт әкияттән тора – удмурт «Красавица береза», чуаш «Юман-батыр», мордва «Дуболго Пичай» һәм мари «Волшебный меч». Спектакльдә Татарстан театрлары актерлары, Россиянең бәйсез артистлары һәм театр әһелләре катнаша. Куелышның режиссеры булып Сойжин Жамбалова чыгыш ясады. Аның сүзләренчә, әлеге спектакль – халыкның милли кодын тикшерү һәм аны ачык киңлектә театр телендә формалаштыру омтылышы. Әйтик, Горький исемендәге паркта зур кыр уртасында көзге елгасы җәелеп китәчәк, ә аның ярларында дүрт йорт урнашачак. Спектакль аша казанлылар Идел буеның һәр этник мәдәниятенең нәрсә эшләвен һәм заманча кешенең табигатьтән ни дәрәҗәдә ерак китүен белә алачак. Бу темаларга уйланырга һәм спектакльне бәяләргә 16 яшьтән алып барлык теләүчеләрне чакыралар. Күрсәтү Горький исемендәге паркта 11, 12 һәм 13-нче август көннәрендә узачак. Башлана – 18:30 сәгатьтә, куелыш озынлыгы – 2 сәгать. Спектакль рус телендә барачак. Исегезгә төшерәбез, проект Казан Мэриясе тарафыннан тәкъдим ителде һәм Татарстан Республикасында Туган телләр һәм халыклар бердәмлеге елы кысаларында әзерләнде.
      11
      0
      0
    • Дилә Нигъмәтуллина бала алырга җыена? Күптән түгел күптәнге хыялымны тормышка ашыру вакыты җитүен аңладым, дип яза ул
      10
      0
      0
    • САК БУЛЫГЫЗ! ТОРНАДО КИЛӘ Тверь өлкәсенә зур зыян салган торнадо бүген, 4 августта, Идел буе районнары, шул исәптән Татарстан өстеннән дә үтәргә мөмкин.
      52
      0
      0
    • ЧӨГЕНДЕР - 15, КИШЕР - 30 сум! 7 августта Казанда авыл хуҗалыгы ярминкәләре башлана.
      62
      0
      0

    Рамазан аендагы ачышым

    Ураза гаете – шундый шатлык ул. Мөселманнар быелгы уразаны исән-имин тотып, бәйрәмне каршылауларына сөенә, киләсе уразаларны да тотарга насыйп булса иде, дип теләк тели. Гает алдыннан соңгы ифтарны күмәк рәвештә, мәчеттә билгеләп үтәргә булдык. Танышларның һәм бер дә белмәгән кешеләрнең шат йөзләрен күреп, ихлас догалар ишетеп, күңелләр нечкәрә икән. Безнең бистәдә, баксаң, мөселман өммәте шактый зур һәм ул бик тату яши икән!

    Күмәк ифтарларга мәчеткә быел гаилә белән берничә тапкыр барылды. Шушында ун ел артык яшәгәннән соң, быел, ниһаять,“Җомга” мәчетен “ачтык”. Юдинода урнашкан ул. Монда элегрәк тә килгәләгән бар иде. Узган ел төзекләндерелгәннән соң, авыл мәчете зурлыгындагы иман йорты ничектер зураеп, киңәеп киткәндәй тоела башлады. Бөтен гаиләң белән килеп йөрү мөмкинлеге, мәчетнең гадилеге, мондагы кешеләрнең ихласлыгы бирегә бәйли дә куя.

    Реклама

    Мондагы гадилек күмәк ифтарлар, гает алды киче һәм гает намазы вакытында да ачык күренде. Мәчет имамы Равил хәзрәт кешеләр белән аралашуда эчкерсезлеге белән аерылып тора. Вәгазь-догаларны ул хәленнән килгәнчә татарча укырга тырыша. Татарларга гына түгел, үзбәге-таҗигына да, урысына да, башкасына да бертигез дустанә мөнәсәбәт булгач, ислам диненә караш хәтта мөселманнар белән элек таныш булмаган кешеләрдә дә уңай якка үзгәрә. Ул эссе көннәрдәге ифтарлар вакытында бала-чагаларның күплеге! Ураза тотканга күрә генә түгел бит инде, иптәшләренә ияреп, бушлай сыйланырга дип килгәннәре дә байтак – барысының да күңелен күреп, сыйлап җибәрү өчен, чыннан да, киң күңелле һәм юмарт булу кирәктер.

    “Җомга” мәчетендә күмәк ифтарлар үткәрү өчен быел кешеләр чират торды. Көн саен 40-60 кешене бик зур булмаган мәчеттә кабул итеп, кайнар ризык белән авыз ачтыру бик җиңел эш түгел. Шулай да булышырга теләгән кешеләр булганда, биш-алты хатын кыз аш-су хәзерләгәндә – авыр эш тә җиңеләя торгандыр...

    Рамазан – авырлыкларны җиңеләйтә, игелекле эшләр эшләү теләген арттыра торган ай ул!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект