Рамил Шәмсетдинов язган рәсми хат интернетка чыккан

Чита өлкәсендә хәрби хезмәттә вакытта сигез хезмәттәшен атып үтергән Рамил Шәмсетдиновның җинаять эшен тикшерү тәмамланган. Эш буенча суд утырышы гыйнвар азагында булачак. Гаепләнүчеләрнең барысы да үз гаепләрен таныды, ди Шәмсетдиновны яклаучы Татарстан адвокаты Руслан Нагиев. 8 хезмәттәшен атып үтергән Рамил Шәмсетдинов шулай ук кылганы өчен гафу үтенгән. Рамилнең кулдан язылган хаты социаль челтәрләргә чыккан. Рамилнең адвокаты бу хатның чын булуын раслаган.

«Үземне тыеп кала алмыйча, соңгы адымга барганым өчен гафу үтенәм, әмма минем башка юлым юк иде. Һәлак булган солдатларның гаиләләренә килгән кайгыны чын күңелдән уртаклашам һәм әгәр булдыра алсагыз, мине гафу итүегезне үтенәм», — дип яза Шәмсетдинов.

tatar-inform.tatar