-
«TATAR СҮЗЕ» БӘЙГЕСЕНЕҢ I ТУРЫ ТӘМАМЛАНДЫ! Жюри әгъзалары бәйгегә тәкъдим ителгән 4000 гә якын язманың 335ен II турга сайлап алдылар. II турга узган конкурсантларның язмалары жюри тарафыннан февраль башында каралачак.
-
ШӘРИФ КАМАЛ ИСЕМЕНДӘГЕ ӘДӘБИ ПРЕМИЯНЕҢ ҖИҢҮЧЕЛӘРЕ БИЛГЕЛЕ! 26 гыйнвар көнне Татар китабы йортында конкурс нәтиҗәләре буенча, Шәриф Камал исемендәге әдәби премиянең җиңүчеләре игълан ителде.
-
АЙДАР ФӘЙЗРАХМАНОВ ЯҢА ПРОГРАММА ТӘКЪДИМ ИТӘ Габдулла Тукай исемендәге Татар дәүләт филармoниясендә Россиянең атказанган, Татарстанның халык артисты Айдар Фәйзрахмановның «Олы юл әйтте..» циклыннан «Ышаныч» дип аталган яңа программа булачак!
-
«ИДЕЛ»ДӘН ӨР-ЯҢА ПРОЕКТ - «ТУФАН САМАВЫРЫ»! “Туфан самавыры” - “Идел” журналының өр яңа проекты. Инстаграм битләрендә һәр атна саен туры эфирда алып барылачак.
-
САК БУЛЫГЫЗ: Юлларда көчле бозлавык 27 гыйнвар Казанда 1 градустан 3 градуска кадәр салкын көтелә
-
Бу атна мөһим сөйләшү-аралашуларга һәм дулкынландыргыч, илһамландыргыч очрашуларга бай булыр - ЙОЛДЫЗНАМӘ Бу атна мөһим сөйләшү-аралашуларга һәм дулкынландыргыч, илһамландыргыч очрашуларга бай булыр. Эштә коллегаларыгызның күз уңыннан төшеп калган нечкәлекләргә игътибарлырак булыгыз. Бу сезгә карьера баскычыннан югарырак күтәрелү өчен әйбәт кенә этәргеч булыр.
-
ЭМИЛЬ ТАЛИПОВ: «Баламны әдәпсез кеше итеп үстерәсем килми» Бүген Татарстанның атказанган артисты, М.Җәлил премиясе лауреаты, Г.Камал исемендәге Татар дәүләт академия театры артисты Эмиль Талиповның туган көне! Аның белән әңгәмә "Идел" журналында басылып чыкты.
-
Алинә Заһитова инстаграмдагы сәхифәсен япты. Ни булды икән? Сәхифәңне ник яптың дип күпләр сорый. Соңгы вакытта миңа бик күпләр язылды. ди Алинә.
Рәдиф Кашапов «Ач чәчләреңне» җыры белән мөселман кызларына мөрәҗәгать итәме?
Күптән түгел, YouTube киңлекләрендә йөргән чакта, менә бу сәер татар клибы каршыма сикереп чыкты. Җыр авторы да, музыкасы да Рәдиф Кашаповныкы. Рәдифнең фанатлары күп, Рәдифне яратмаучылар бар. Ә менә Рәдифне белмәгәннәр яки аның иҗатына битараф булган татарлар бик әз. Моны укыгач тагын да әзәер әле…
Кашаповның иҗаты, провокацион, сәер һәм серле дип әйтергә була. «Ач чәчләреңне» клибы да автор ачкан теманы «кытыклап» кына уза. Тел төбе аңлашылса да, без Рәдифнең үзеннән әлеге клипның идеясе турында сорап карарга булдык.
Рәдиф клип турында:
Бу җыр мөселман кызлары белән аралашкач туды. Аларның яшәү рәвешен күреп барлыкка килде. Ләкин «Ач чәчләреңне» җыры ул аларны чәчләрен ачарга өндәү түгел. Бу иреклеккә, азатлыкка омтылуы, ниндидер кысалардан чыгарга тырышу турында. Мин моны зур бер тарихи тема буларак күрәм. Һәм әлбәттә инде бу җыр бераз интим, мәхәббәт турында да. Җырның структурасы бар. Куплет, проигрыш, куплет, кушымта. Һәрбер музыкаль өзек өчен бер сәхнә уйлап таптым.
Бу клип Чәкчәк музеенында иртән, беркем дә булмаганда төшерелде. Видеолар әзер булгач бу клипны тавышсыз һәм төзсез кинога әйләндерәсе килде. Шулай итеп клипны бер көндә ясап, титрлар керттек.
Җырның сүзләре:
АЧ ЧӘЧЛӘРЕҢНЕ
Ышан миңа,
ач чәчләреңне
нур сибелсен толымнарыңа.
Әйтерсең —
ялганлыйсын, егет,
мин сокланам, һич оялмыйча.
Зәңгәр күкләр,
кичнең карасы,
әмма кояш һәркөн кабына.
Үзгәртте ул
безнең араны,
кил якынрак, бүген салкынча.
Тын урамнар —
шикле шаһитлар
Соры юллар бездән көнләшә.
Кул бирмәсәң дә
уйларыңны
алып бар минем белән янәшә.
Иң мөһим һәм кызыклы язмаларны Татмедиа Telegram-каналында укыгыз