Рекордлы яллар көтелә

Быелгы май Россия тарихында рекордлы булачак: 31 көннең 13ендә ял итәбез.

Узган атнада ике көн эшләп алганнан соң, 1, 2, 3, 4, 5 май көннәрендә ял итү бәхетен татыдык. Бу атнада исә без янә өч көн генә эшләп, 9, 10, 11, 12 майларда ял итәчәкбез. Рәсми ял көннәре турында бара сүз. Чөнки ял көннәре игълан ителү - ул әле эшләмәү дигән сүз түгел. 8 майда эш көне бер сәгатькә кыскарак булачак. Шулай итеп, май аеның 31 календарь көнендә 13 ял көне булачак. Моннан да күбрәк итеп без яңа ел бәйрәмнәрендә генә ял иттек - 31 көннең 14ендә эшкә чыкмадык.

Чираттагы шундый озын яллар ноябрьгә туры киләчәк. Халык бердәмлеге көне уңаеннан 2-4 ноябрьдә ял итәчәкбез.