Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Республикада демографик хәлне яхшырту буенча төрле гамәлләр башкарыла

    Бүген Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова «Татар-информ» мәгълүмат агетлыгында журналистлар белән очрашты. Матбугат конференциясе барышында министр «Татарстан Республикасында “Демография” һәм “Хезмәт җитештерүчәнлеге һәм эш белән тәэмин итүгә ярдәм” милли проектларын гамәлгә ашыруның барышы турында сөйләде.

    Республикада 2019 елда «Демография» милли проекты чараларын гамәлгә ашыруга өчен 4,6 млрд. сум тәгаенләнгән, шуның 2,1 млрд. сумы федераль бюджет акчалары исәбеннән. Ә 2020 елда исә 8,7 млрд. сум, шул исәптән федераль бюджеттан – 6,2 млрд. сум.

    Министр Эльмира Зарипова белдергәнчә, 2020 елда «Демография» илкүләм проекты иң актуаль юнәлеше - өч яшькә кадәр бала карау буенча ялдагы хатын-кызларны, шулай ук эшләмәгән, мәшгульлек хезмәте үзәкләренә мөрәҗәгать иткән, мәктәпкәчә яшьтәге балалар тәрбияләгән ханымнарны яңадан укыту һәм квалификацияләрен күтәрү чараларын гамәлгә ашыру.

    2020 елда Россиядә 40 мең хатын-кызны яңадан укыту планлаштырыла. Чараны гамәлгә ашыру өчен республикага 86,9 млн. сум бүлеп бирелгән, шул исәптән: федераль бюджет – 70,4 млн.сум һәм 16,5 млн. сум – Татарстан Республикасы бюджеты.

    2020-2021 елларда ел саен 1 518 хатын-кызны яңадан укыту планлаштырыла.

    Республиканың мондый чараны оештыруда тәҗрибәсе бар. Шулай итеп, 2011-2019 елларда ТР бюджеты акчалары хисабына 10,1 мең хатын-кыз максатчан аудиториядә белем алган.

    «Демография» милли проектының «өлкән буын» федераль проектының бурычлары -халыкның тормыш сыйфатын яхшырту һәм 2024 елга гомер озынлыгын 78 яшькә кадәр җиткерү.

    Бүгенге көндә республика халкының 25,3 % ын эшкә яраклы яшьтән өлкәнрәкләр (986,6 мең кеше), аларның 80% ы күп төрле хроник авырулардан интегә, уртача бер пациентның 4-5 хроник авыруы бар, -ди Эльмира Зарипова.

    2018 елдан башлап Россиянең 6 төбәгендә өлкән яшьтәге гражданнар һәм инвалидларны озак вакытлы карау системасын гамәлгә кертү буенча пилот проект тормышка ашырыла. Әлеге чараның максаты - өйдә дә, стационарда да баланслы социаль хезмәт күрсәтү һәм медицина ярдәменә мохтаҗларга ярдәм итү, шулай ук аларның гаиләләренә булышу һәм аларны үз якыннарына мөстәкыйль рәвештә ярдәм күрсәтергә өйрәтү. 1 638 кеше озак вакыт карау белән тәэмин ителгән. 2020 елга план -2 543 кеше; 33 хезмәткә өйдә күрсәтелә торган хезмәтләр исемлеге киңәйтелгән; “Тәрбия мәктәпләрендә” 234 кеше белем алган. 2020 елда бу эш дәвам итәчәк һәм тагын 100 кеше белем алачак. Шулай ук 2020 елда 45 комплекслы социаль хезмәт күрсәтү үзәгендә «Тәрбия мәктәпләре» өчен җиһазлар сатып алу планлаштырыла. Татарстанның 6 районында (Әлмәт, Яшел Үзән, Зәй,Түбән Кама, Яр Чаллы һәм Казан) “Сиделка”хезмәте кертелгән.

    Матбугат очрашуында шулай ук, пенсия яшенә якынлашучыларны укыту, “Демография” һәм “Хезмәт җитештерүчәнлеге һәм эш белән тәэмин итүгә ярдәм” милли проектлары турында да бәян ителде.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер