Республикада коронавирустан 9нчы үлем теркәлде

Бүген Татарстанда коронавирусның 71  яңа очрагы теркәлгән.

24 кешене хастаханәгә алып киткәннәр, 47 кеше җиңел формада авырганлыктан дәвалануны өендә уза.

Шулардан 1 очрак чит илдән кергән, калганнары якыннары белән контактка керүдән барлыкка килгән.

Республикада коронавирустан 9нчы үлем расланды.

11 майда Яшел Үзән районының 1950нче елгы кешесе авыр хәлдә район хастаханәсенә китерелә. 13 майда аны Казанга алып китәргә җыеналар. Ләкин авыруның хәле бик кыен була. Шул ук көнне ул фани дөньядан китә.  Диагнозын патологанатом экспертизасыннан соң раслыйлар.

Барлыгы Татарстанда 2546 очрак теркәлгән. 1452 кеше терелеп чыккан.

Яңа авыраучыларның яше буенча карасак:

18 яшьтән 30га кадәр – 12 кеше,
30дан 50гә - 24,
50дән 60ка – 5,
60тан 70 яшькәчә - 21,
70тән 80 яшькә кадәр - 6, 
80нән 90гача 3 кеше теркәлгән.

Географиясе буенча:
Казан – 45,
Яр Чаллы – 17,
Апас - 2,
Арча - 2,
Балтач - 1,
Биектау - 1,
Түбән Кама - 1,
Питрәч районында 1 кешедә коронавирус инфекциясе табылган.