РЕЖИССЕР ВЛАДИМИР МЕНЬШОВ АРАБЫЗДАН КИТТЕ

82 нче яшендә совет һәм Россия кинорежиссеры, актер, сценарист, продюсер Владимир Меньшов вафат булган.

Бу хакта "Мосфильм" киноконцерны хәбәр итә. Үлем сәбәбе - коронавирус инфекциясе нәтиҗәләре. "Без кадерле дустыбызны, туган киностудиясендә барлык иҗади көчен һәм талантын күрсәткән, миллионлаган кешене белә һәм ярата торган искиткеч фильмнар төшергән чын халык режиссерын югалттык", - диелә киноконцерн хәбәрендә. Режиссер белән саубуллашу көне һәм вакыты турында соңрак игълан итәчәкләр.

Меньшов Бакуда туган. "Любовь и голуби", "Шырли-Мырли", "Розыгрыш" кебек эшләр белән танылган. "Москва слезам не верит" мелодрамасы өчен "Чит телдәге иң яхшы фильм" категориясендә "Оскар" премиясен алды.