РКБ ябылмый

Республика йогышлы авырулар хастаханәсенең ябылуы турындагы сүзләр чынлыкка туры килми. Ялларда һәм бәйрәм көннәрендә хастаханә гадәти режимда эшлиячәк, кабул итү-диагностика бүлекләре бөтен мөрәҗәгать итүчеләрне кабул итә. Бу көненә якынча 300 кеше, дип хәбәр ителә Сәламәтлек саклау министрлыгында.
ТР Сәламәтлек саклау министрлыгы хәбәр итүенчә, төрле социаль челтәрләрдә таралган мәгълүмат дөрес түгел. Республика хастаханәсе үз режимында эшли бирә.
Министрлыкта ОРВИ белән авыраучыларның саны артканга хастаханәдә ятучыларны күрергә килгән кешеләрнең барысының да кертелмәвен ассызыклый. Бу Роспотребнадзор таләбе. Ә катлаулы авырулы һәм реанимациядә ятучылар янына аларны карап торучылар кертелә.

2019 елның мартыннан Россиядә ялган мәгълүмат тараткан өчен административ җаваплылык кертелде. Кеше күп җыелган урыннарда коронавирус белән бәйле шаярулар өчен җинаять эше ачылачак. Әле февраль башында гына Мәскәүдәге пранкерны кулга алалар. Ул башкала метросында коронавирус өянәген алган кеше булып уйный. Хәзер шуның өчен аны 7 елга ирегеннән мәхрүм итәргә мөмкиннәр.