РОССИЯ ГЕОГРАФИЯСЕН БЕЛӘСЕҢМЕ?

Татарстан Милли музей мәйданчыгында 29 ноябрьдә 12.00 сәгатьтә Халыкара «Географик диктант-2020» акциясе узачак.

Ел саен үткәрелә торган зур масштаблы чараның максаты-географик белемне популярлаштыру һәм Россия географиясенә кызыксынуны арттыру.

Татарстан Республикасы Милли музее һәм Бөтенроссия «Рус география җәмгыяте» иҗтимагый оешмасы күп еллар дәвамында уртак чаралар уздыра, аларны дустанә мөнәсәбәтләр һәм нәтиҗәле хезмәттәшлек бәйли.
Ел саен үткәрелә торган белем бирү акциясе Россия географиясе, тарихы һәм мәдәнияте белән кызыксынучыларны берләштерә, диктантта катнашу ирекле һәм бушлай, биремнәрне үтәү өчен 45 минуттан артык вакыт биреләчәк. Катнашучыларны теркәү 11:00 сәгатьтә, акция 12:00 сәгатьтә башлана.
Халыкара акциядә катнашырга теләсәгез, түбәндәге телефон аша Татарстан Республикасы Милли музеенда алдан теркәлергә чакыралар:292- 89- 84.

Диктант турында тулырак мәгълүмат сайтта: https://dictant.rgo.ru
Татарстан Республикасы Милли музеенда географик диктант офлайн форматта узачак. Халыкара «Географик диктант-2020» агарту акциясенә кушылыгыз!