Русия шәһәрләре нәрсә зурлыгы белән көч сынаша

Халыкка күп кирәкмени!? Мактаныр бер әйбер булса, бәхет өчен шул да җитә...

Интернетта Русиянең төрле шәһәрләре чыршы зурлыгы белән мактаныша башлады. "Барысы да комплекслардан килеп чыга..." дияр иде психологлар. "Безнеке сезнекеннән озынрак", "Безнеке сезнекеннән затлырак", - дип мактана социаль челтәрләрдә кайберәүләр. Бәхәсләшергә һәм тел күрсәтешергә бер сәбәп. 

Үлчәп йөрисе юк, иң биек чыршылар исемлеге күптән билгеле. Казан 3 урында. Төп чыршы "Казан" гаилә үзәге ягында тора. Ачылышы 26 декабрь көнне булачак.

Иң биек чыршы Красноярскида, биеклеге 55 метр. Аннан Екатеринбургта (50 метр) һәм Казанда (35 метр).  Барнаулда – 32, Тулада – 32, Пермьдә - 30, Владивостокта – 28, Төмән чыршысы 28 метр биеклектә. Мәскәү иң озын тере чыршысы белән мактана (27 метр). Шундый хәлләр!  

П.С. Шуны онытмагыз, иң мөһиме чыршының зурлыгы түгел, ә бәйрәм хисе бүләк итү сәләте!

Фото: e-kazan.ru