Логотип Идель
Яңалыклар

"Россия лидерлары" ачык конкурсының финалистлары билгеле

Ярымфиналда җиңүчеләрне котлап, Михаил Швыдкой җиңүчеләрне Сочидагы финал ярышлары көтә, дип искәртте.

Түбән Новгородта РФ Президенты Владимир Путин инициативасы белән үткәрелә торган "Россия лидерлары" ачык конкурсы финалистларының исемнәрен атадылар. Ярымфиналда берьюлы җиде татарстанлы көч сынашты. Бу хакта tatar-inform.ru хәбәр итә.

Тантананы "Түбән Новгород" стадионында 2018 елгы "Россия лидерлары" конкурсы финалисты Оксана Ачкасова һәм РФ Президентының халыкара һәм мәдәни хезмәттәшлек буенча махсус вәкиле Михаил Швыдкой уздырды. Конкурста катнашучыларга мөрәҗәгать итеп, ул залда җиңелүчеләр булмавын билгеләп үтте.

"Бу ярышка тәвәкәлләвегез белән сез барыгыз да җиңдегез. Тормышта иң төп мотивацияләрнең берсе-ул үз-үзе белән бәхәс", - диде Швыдкой. Ул билгеләп үткәнчә, конкурс үз мөмкинлекләреңне аңлауга этәргеч бирә.

Татарстанлылар арасында ярымфиналда Казанның Киров һәм Мәскәү районнары администрациясе башлыгы Сергей Миронов, ВТБ банкы идарәче директоры Ирек Садыйков, "ТР мамлар берләшмәсе" коммерцияле булмаган автоном оешмасы директоры Нина Шимина иң көчлеләр булдылар. Суперфиналга шулай ук Татарстан Республикасы хәрби прокуроры урынбасары Карен Додонов, "Алабуга" МИЗ АҖ юридик хезмәте җитәкчесе Никита Хилимончик, Зенит" АНП салым практикасы җитәкчесе Закир Әбдрәшитов һәм "Джи Ди Си Сервисез" компаниясе бүлеге җитәкчесе Тимур Кайданный чыкты.

Ярымфиналда җиңүчеләрне котлап, Михаил Швыдкой җиңүчеләрне Сочидагы финал ярышлары көтә, дип искәртте.

Ярымфиналда Татарстаннан барлыгы 42 вәкил катнашты. Ярымфиналның ике көне дәвамында катнашучылар төрле дәрәҗәдәге идарә итү кейсларын чиштеләр. Эш нәтиҗәләре буенча һәр конкурсант бәяләүчеләрдән шәхси тәкъдимнәр алды. Бәяләү чараларыннан тыш, ярымфиналда очрашулар һәм мастер-класслар узды. Россия икътисады перспективалары турында лекцияне ярымфиналда катнашучылар өчен Ломоносов исемендәге МДУның икътисад факультеты деканы Александр Аузан укыды. Ярымфиналга чыгучыларның барысы да Россия Президенты Администрациясе җитәкчесенең беренче урынбасары Сергей Кириенко имзалаган грамота белән бүләкләнде.

"Россия лидерлары" конкурсы "Россия – мөмкинлекләр иле" автоном коммерциячел булмаган оешма тарафыннан үткәрелә. Конкурсның максаты-лидерлык сыйфатларына һәм идарә итү компетенцияләренә ия булган перспективалы җитәкчеләрне ачыклау, үстерү һәм аларга ярдәм итү. Идел буе округы регионнарыннан конкурска 41,9 меңнән артык гариза килгән. 335 конкурсант ярымфиналга чакыру алды, шуларның 282се генә сынауга кадәр үтте.

Текст после содержания указынный в настройках

«Идел» журналы 16+

Теги: Россия лидерлары, конкурс, Түбән Новгород конкурс, лидер, финалисты

Следите за самым важным и интересным в Telegram-каналеТатмедиа

Нет комментариев