Русиядә ана капиталы суммасы 616 мең сумга кадәр артачак

Бу хакта РФ Президенты Владимир Путин Федераль Җыенга Юлламасын игълан итү барышында белдерде. Аның сүзләренчә, ана капиталы программасы 2026 елга кадәр дәвам итәчәк. Беренче бала өчен дә - 466 мең сум акча түләячәк. Өч балалы гаилә дәүләт ярдәме белән торак проблемасын хәл итүгә 1 млн сумнан артык акча кертә алачак.
Шулай итеп, Русиядә ике балалы гаиләләр өчен ана капиталы күләме 616 мең 617 сумга кадәр артачак. Икенче бала өчен ана капиталы 150 мең сумга күбрәк булачак, ул ел саен индексацияләнәчәк. 

Шулай ук Президент 3 яшьтән 7 яшькә кадәрге балалар өчен айлык түләүләр кертергә кушты. «Беренче этапта аз керемле гаиләләрдә балалар өчен түләү 5,5 мең сум тәшкил итәчәк, киләсе елдан - 11 мең сум», - диде Президент.

фоточыганак: pixabay