Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    РӨСТӘМ МИҢНЕХАНОВ БӘЙРӘМ НАМАЗЫНДА КАТНАШТЫ

    Татарстан Республикасы Президенты Рөстәм Миңнеханов Корбан гаете бәйрәме уңаеннан намазда катнашты. Тантана Галиев мәчетендә узды. Бу хакта республика җитәкчесенең матбугат хезмәте хәбәр итә.

    «Бәйрәм намазын Татарстан Республикасы мөфтие Камил хәзрәт Сәмигуллин алып барды. Традицион вәгазь башланыр алдыннан ул Татарстан Республикасы Президенты исеменнән котлау сүзләрен укыды», - диделәр матбугат хезмәтендә. 

    Чара Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләренә туры китереп, минималь санда кешеләр катнашында узды. Мәчеттә барлык дин тотучылар да битлек һәм перчаткалар киде, социаль дистанцияне үтәде.

    Вәгазь барышында Татарстан мөфтие Корбан бәйрәменең мәгънәсен һәм әһәмиятен аңлатты, аның тарихы һәм корбан чалу йоласының тирән мәгънәсе турында сөйләде. Шулай ук ул быел мөселманнар бәйрәмне каршы ала торган аерым шартларны билгеләп үтте. Моннан тыш, Камил хәзрәт Сәмигуллин туган телне һәм гореф-гадәтләрне саклауның мөһимлеге турында искә төшерде.

    Соңыннан бәйрәм намазы укылды. 

    Фото: tatarstan.ru

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Бессмертный полк онлайн"
    • "Красная гвоздика" (1)
    • Журналга язылыгыз
    • Язылу декадасы башланды!
    • "Серая зарплата и ее последствия"
    • татмедиа кибете. Журналлар
    • Хатлар йорты
    • Онлайн-кибет
    • Язылу
    • "Большая перемена"