Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Рөстәм Галимов: “Татар мохитенә бию аша кердем”

    “Яшь татар лидеры мәктәбе”нең тагын бер җиңүчесе, 50 меңлек грант отучы Пермь егете - Рөстәм Галимов татар дөньясына бию аша килеп кергән. Без аның белән әлеге уңышка ничек ирешүе турында сөйләштек.


    - Рөстәм, сине чын татар лидеры буларак яхшы беләм. Казанга да беренче генә тапкыр килмисең. Үзеңне кайчан лидер буларак сыный башладың?

    - Мин тата мохитендә тәрбияләнеп үстем. Өченче курста укыганда татар фольклор ансамбленә биергә чакырдылар. Ә 2011 елда татар яшьләр оешмасыннан да чакыру килде, бию белән төрле форумнарга йөри башладык. Ләкин ул оешма 2013 елда таркалды, яшьләр читкә китте. “Мин башламасам, кем тотыныр?” - дип, яңа оешма булдырдым. Баштарак балаларга шигырь-хикәя сөйләттерсәм, аннары экскурсияләр, марафоннар, тренинглар, вебинарларга күчтем. Барлыгы 6 кешелек 4 команда оешты. 

    Реклама


    - Шулай итеп әлеге Лидерлар мәктәбенә килеп кердеңме?

    - Биредә мин дүртенче тапкыр катнашам. Беренче тапкыр 2012 елда килгән идем. Хәзер инде төп “кухня”сын аңлыйм. Үзебезнең рәткә дә яңа лидерлар, балалар кирәк. Шуңа күрә үзебездә дә актив балаларны әзерлибез. “Чәк-чәк” татар яшьләре оешмасында мәдәни мәйдан булдырдык. Милли үзаң, туган телебез, мәдәният, тарихыбызны саклап калу максатыннан төрле сөйләшүләр, кичәләр, чаралар оештырабыз. 

    - Сезнең төркем 50 меңлек грант отты. Пермьнән котлап яздылармы?
    - Әйе, безнең проект - “Пермь краеның татар балалары лидеры мәктәбе” дип атала. Без үзебездә дә лидерларны барлыйбыз. Монда җиңү яулау белән, котлау хатлары килде. “Сиңа ничек булыша алабыз, әйт кенә”, - дип язулары тагын да күңелле. Ниндидер ярдәм, таяныч барлыгын тоясың. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!
    • Твой ход!
    • Әйдәгез хатлар языйк!
    • "Бессмертный полк онлайн"