Русия хатыннары балаларын "әтисез" итмәкче?!

Русиялеләрдә яңа "мода" барлыкка килде. Аналар балаларының "әтисенең исеме" урынына, үзләренекен куймакчы булалар. Бу хакта point.md хәбәр итә. 

Күзәтүләр буенча, балаларына үзләренең исемен күбесенчә ялгыз аналар бирә икән. Мәсәлән, Томскида яшәүче хатын-кызның баласы - Марьевна. Яшь әни әйтүенчә, ата кеше баласы турында белергә дә теләми. Шуңа күрә кызы "әтисе исеме"нә лаек түгел дип саный. Ләкин закон буенча бу мода артыннан куу һәр теләгән кешегә дә рөхсәт ителми. Адвокат Анжелика Решетникова әйтүенчә, "ана булу"га (матчество) юридик тыю юк, әмма ананың бу адымына ЗАГС баш тартырга мөмкин, чөнки Гаилә кодексында нәкъ менә әтисе турында әйтелгән фактка игътибар ителә. Димәк, баланы хатын-кызлар исемнәренә теркәргә җыенмыйлар. Ләкин хатын-кыз исеменең ир-ат тиңдәше булган очракта гына теркәлү өчен рөхсәт бирелә. Томскидан Мариягә дә сүзлек белән тикшерелгәннән соң гына үз исеме белән теркәргә рөхсәт иткәннәр. Чөнки Марияның ир-ат исеме табылган.

Тагын бер очрак бар -  14 яшьтән соң һәркем ФИО язмасын тулысынча үзгәртә ала. Бу адым шулай ук ЗАГС бүлегендә рәсмиләштерелә. Анда кешегә ФИО үзгәртүе турында таныклык биреләчәк.

Башка нечкәлекләрне дә карап үтик. Психолог Ольга Меженина фикеренчә, мондый стандарт булмаган хәлләрдә юридик сораулардан тыш, бала һәм аның әнисенең психогиясе зур роль уйный.

- Ана кеше әнә шулай баланың атасына үпкәләп, "үч ала". Ә баланың бу адымны кабул итү яки кире кагу өчен сайлау хокукы юк, - ди психолог. - Хатын-кызга барыбер дә соңыннан күпләрнең әтисенең ни өчен булуын аңлатырга туры киләчәк. Өстәвенә, бала үзен башкалар янында чагыштырырга да мөмкин.

Ахыр чиктә барысы да начар тәмамланачак. Әниләренең әлеге гамәлләрен күреп, кызларның да аларны кабатлап, хәтта кияүгә чыкмый калуы да бар. Чөнки алар кечкенәдән ир-атка үпкәләп, аларга нәфрәт хисе белән үсәләр. Ә икенче яктан, әти кешенең баласына игътибары җитмәскә, һәм тора-бара кыз киләчәктә ир-атларның игътибарын даими эзләргә һәм еш алыштырырга мөмкин. Бу очрак бигрәк тә әтисез үскән кызларга кагыла. Сүз уңаеннан, гадәттә әнисенең исемен кызлар гына ала. Малайлар белән әлеге хәл катлаулы - психик имгәнүләр китереп чыгарырга мөмкин. Улы киләчәктә бөтенләй дә үз тиңен таба алмый, яки гомер буе тирә-юньдәгеләргә аның "нормаль ир" булуын исбатлап яшәргә мәҗбүр була. Шуны да онытмаска кирәк, күп кенә психик травмалар баланы гомер буе эзәрлекли. Шуңа күрә психологлар әниләргә баланың исемен теркәр алдыннан, иң элек аның киләчәге турында уйларга киңәш итә.