Салават Фәтхетдинов кызыл балык тозларга өйрәтә

Салават Фәтхетдинов белми әйтмәс, үзең әзерләгән ризыктан да тәмлесе була алымый. Ә сезнең семга балыгын өйдә тозлап караганыгыз бармы? 

Кибеттән алганнан күпкә арзанрак та тәмлерәк тә! Рецепы да бик җиңел:

Нәрсә кирәк булачак:

Семга балыгы (булса филе, булмаса балыкны кылчыкларыннан арындырырга кирәк) 400 грам.

эре тоз - 2 кашык

шикәр - 1 кашык

борыч, лавр яфрагы, май. 

Семганы салкын суда яхшылап чайкыйбыз, әйбәтләп корытабыз, тиресеннән һәм вак кылчыкларыннан арынабыз. Берәр савытка (пыяла булса яхшы) тоз һәм шикәрне кушып болгатырга, савытка салырга кирәк. Балыкны тозлы шикәрдә аунатабыз. Борыч сибәбез һәм бер тәүлеккә холодильникка өстен каплап алып куябыз. Бер тәүлек үткәч балык чыгарган суны түгеп, филеларны тиз генә салкынча суда чайкап алырга. Балык озаккарак салансын дисәгез, кисәкләргә бүлгәләп майга батырып куярга кирәк, шунда ук лавр яфрагы да салырга була. Ләкин күпчелек очракта мондый балыкны берничә сәгаттә юк итәләр, шуңа майның кирәк булмавы да бар.