САЛАВАТ ФӘТХЕТДИНОВ УЛЫ ТОЛЬЯТТИДА ҖИҢҮ ЯУЛАДЫ!

Тольятти шәһәрендә РАФ Кубогы һәм бозда автомобиль узышлары буенча Россия Кубогының беренче этабы заездлары тәмамланды.

1600 класста Татарстан узышчысы Рөстәм Фәтхетдинов җиңүче яулады. AG Team командасының яшь пилоты ярышның тәүге мизгеленнән үк алга омтылды. Әмма бу җиңү җиңелләрдән бирелмәде, көрәш киеренке барды, ди яшь спортчынының  менеджеры, узышчының әтисе, танылган татар җырчысы Салават Фәтхетдинов.

“Рөстәм-ярышта иң яшь катнашучысы, - ди Татарстан Республикасының халык артисты. - Абсолют җиңү турында сөйләргә иртә әле. Көндәш каршы килмәсен, зыян китермәсен өчен, старттан беренче булып китәргә кирәк. Ул чакта җиңү дә якын булачак.”
 

Сүз уңаеннан, Рөстәм Фәтхетдинов үзе икенче һәм дүртенче урыннарны бик яратмый. Аның хәтта машинасында да «Иң мөһиме катнашу түгел, ә җиңү» дип язылган.