Салават Фәтхетдиновның концерты онлайн булачак

25 мартта 19:00 сәгатьтә беренче тапкыр Татарстан Республикасының халык артисты Салават Фәтхетдиновның онлайн-концерты трансляцияләнәчәк.

Рөстәм Миңнеханов Татарстан популяр артистларының инициативасын анонслады – алар онлайн чыгыш ясаячак, карантиндагы республика халкын сөендерәчәк.

"Безнең артистларның яхшы инициативасы! Аларның бу тәкъдимен мин бик хуплыйм, шәп фикер булган бу!" - дип язган президент үзенең инстаграм-сәхифәсендә

Бу идеяне шулай ук Эльмира Кәлимуллина, Динә Гарипова, Диләрә Ваһапова, Ришат Төхвәтуллин да хуплаган. Артистлар соңгы арада туры эфир да үткәрергә килешкәннәр. Бу тамашачы белән элемтәне өзмәс өчен кирәк.

Барлык массакүләм чаралар һәм концертлар гамәлдән чыгарылган вакытта, туры эфирлар артистлар белән аралашу өчен дә  әйбәт мөмкинлек: чыгышлар башланыр алдыннан артистларга комментарийлар язарга һәм сораулар бирергә мөмкин булачак.

Мондый масштабтагы вакыйга беренче тапкыр Вконтакте, Одноклассники һәм Instagram социаль челтәрләрендә Татарстан Республикасының рәсми интернет-берләшмәләре мәйданчыкларында оештырылачак.

Сылтамалар:

https://vk.com/nashtatarstan

https://ok.ru/nashtatarstanи

https://instagram.com/tatarstan_official?igshid=893k0iq5df9c

Шулай ук 18: 00 сәгатьтә "Татар радиосы" дулкыннарында радио студиясеннән турыдан-туры катнашулар марафоны старт ала, анда татар эстрадасының танылган җырчылары да "тере»"музыкаль композицияләрен башкарачак.