Салаватны талаганнар

Татарстан халкы Туган тел көнен бәйрәм итеп, кемдер Тукай премиясе алып йөргәндә, халык артисты Салават Фәтхетдинов бәлагә тарыган: Барселонада улы Рөстәм белән икесен талаганнар. Машиналарының тәрәзәсен ватып, бөтен әйберләрен урлап качканнар. Якташларыбыз  өсләрендәге спорт костюмыннан гына калган. Тагын телефоннары үзләре белән булган икән әле. Бу хакта җырчы социаль челтәрдәге үзенең аккаунтында яза, полиция участогында төшкән фотосы белән дә уртаклаштыра.  Барселоналыларга җене котырган Салават, алар турында “такой тупой народ” ди. Инглизчә түгел, татарча да аңламыйлар икән! Шулай да җырчы үзләрен талауга артык борчылмаган да кебек. Юкса, үзе әйтмешли, дошманнарын сөендереп, мондый пост элмәс иде.