Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Төрле телләрдә шигырьләр

    САЛИХ БАТЫЕВНЫҢ ГОМЕР СӘХИФӘЛӘРЕ...

    2021 елның 24 ноябрендә ТР Милли музеенда республиканың танылган сәясәт эшлеклесенең тууына 110 ел тулуга багышланган «Салих Гыйлемхан улы Батыев: гомер сәхифәләре» исемле чара узачак. Вакыйга ТР Дәүләт Советы ярдәмендә оетырыла. Катнашучылар арасында – ТР Дәүләт Советы Рәисе Фәрит Мөхәмәтшин, ТР Дәүләт Советы вәкилләре, галимнәр һәм музей хезмәткәрләре. «Татарстан тарихында 100 исем» музей-белем бирү проекты кысаларында уздырыла.

    Әлеге шәхес исеме белән республика иҗтимагый-сәяси тормышының әһәмиятле тарихи чоры бәйле. 1960-1983 елларда Салих Батыев республика парламентына – Татарстан АССР Югары Советына җитәкчелек итә. Сәяси репрессияләр корбаннарының исемнәрен аклауга зур өлеш кертә: меңләгән нахакка гаепләнгән шәхесләр әсирлектән һәм сөргеннән вакытыннан алда азат ителә. Ватанга хыянәт итүче булып саналган герой-шагыйрь Муса Җәлилнең исемен торгызуда актив катнаша.

    С. Батыевның тормыш юлы һәм эшчәнлеге белән тулырак таныштыру өчен Милли музей, Дәүләт Советы тарихы музее һәм республиканың Дәүләт архивы махсус күргәзмә хәзерләде. ТР Милли музее экспонатлары арасында – Салих Гыйлемхан улы Батыевның КПСС ҮК беренче сәркәтибе Никита Сергеевич Хрущевның Татарстанда узган очрашулары (1964) белән бәйле сирәк фотосурәтләр; Прага милли театры директоры белән Прагада (Чехия) Нәҗип Җиһановның «Муса Җәлил» операсын сәхнәләштерү турында хатлары; котлау телеграммалары, грамоталар һәм республиканың Бөек Ватан сугышы ветераннарын, мәдәният, фән һәм сәнәгать эшлеклеләрен котлаулар вакытында ясалган фотосурәтләр; Батыевның «Совет Татарстаны җидееллыкта» (1960) китабы.

    Реклама

    ТР Дәүләт Советы тарихы музее Салих Батыевның ТАССР Югары Советы депутаты билетларын һәм дәүләт бүләкләрен, «Лениногорскнефть» НГТИ миллиард тонна нефть чыгаруы (1971), ТАССР авыл хуҗалыгы министрлыгының Салих Гыйлемхан улына 60 яшь тулу (1971) белән бәйле бүләкләрне тәкъдим итә.

    ТР Дәүләт архивы фондларыннан узган еллар атмосферасын тудырган 1960-1970 еллар кинохроникасы кадрлары күрсәтелә.

    Уздыру урыны: ТР Милли музее, 2 кат, конференц-зал. 11.00 сәгатьтә башлана.

    Чыганак: Татарстан милли музее

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!