Сәүдә үзәкләре кайчан ачылачак?

  Татарстан хакимияте якын көннәрдә сәүдә комплексларының эше турында карар кабул итәчәк. Татарстан Президенты Рөстәм Миңнеханов республика районнарында сәүдә комплексларын өлешчә ачарга вәгъдә бирде.

   "Район сәүдә үзәкләре кирәкле товарларны сатып алу өчен бердәнбер мөмкинлеккә әйләнде, дип хәбәр итте киңәшмә барышында ТР Бөгелмә районындагы бизнес-омбудсменның җәмәгать вәкиле Диана Миндубаева. Ул президенттан сәүдә үзәкләренең кайчан ачыла алачагы турында сорады.

    Рөстәм Миңнеханов билгеләп үткәнчә, республика хакимияте әлеге мәсьәләне игътибар белән өйрәнә.   "Якын көннәрдә районнарда сәүдә объектларын этаплап ачу мәсьәләсе хәл ителәчәк", - диде президент.

Чыганак:  tatpressa.ru