"Сезне өйдә көтәләр!" - Чаллы балыкчыларына бозга чыккан өчен беркетмә төзеделәр

Коткаручылар Чаллы балыкчыларын Түбән Кама ГЭСыннан ерак түгел җирдә таба. Бу хакта шәһәр администрациясе социаль челтәрләрдә хәбәр итә.

4 февраль төнендә килеп чыккан рейд вакында бозга законсыз чыккан балыкчыларны тоткарлыйлар. Исегезгә төшерәбез, кышкы чорда су саклау зонасындагы бердәм боз катламы барлыкка килмәде, шуңа карамастан, балыкчылар бозга чыгуны дәвам итеп, тормышларын куркыныч астына куя. Тоткарланучыларга карата административ беркетмәләр төзиләр.

"Бәхетсезлек очракларын булдырмас өчен юка бозга чыкмауны сорыйбыз. Сезне өйдә көтәләр!", - дип язганнар хәбәрдә.