Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Атна буе бәйрәм итәбез! Яңа елны ничек каршыласаң, шулай үткәрәсең дигән гыйбарәне ай, атна, хәтта аерым бер көнгә генә карата да кулланырга яратам мин. Ә бу атнаны җиңел генә үткәреп җибәрергә мөмкинлек тә бар. Дөрес, 16 октябрь — Халыкара җитәкчеләр көне булуын онытмаган һәм иртән иртүк үзегезнең боссны бәйрәме белән ихлас котлап өлгергән очракта гына бу мөмкин.
      26
      0
      0
    • “Элвин Грей үлгән!” (БУЛГАН ХӘЛ) Иртән эшкә Заримә күз яшьләренә буылып килеп керде. Офистагылар барысы да аңа карап бертавыштан: ”Ни булды?”, дип карашларын төбәделәр. Заримә яшьләрен сөртеп, урындыгына барып утырды да, мескен тавыш белән: “Элвин Грей үлгән!”, дип кабат үксергә тотынды.
      97
      0
      0
    • Яшь ярымлык кызын суеп үтергән атаны экспертизага җибәргәннәр 3 июль көнне Камил Якуп урамындагы йортларның берсендә ир-ат үзенең кызын суеп үтергән. Ул сабыйның муенына өч тапкыр пычак белән кадаган.
      329
      0
      0
    • Казандагы "Кольцо"ны ничек үзгәртәчәкләр? (фото) Кичә Казандагы "Кольцо" сәүдә үзәгенең реконструкциясе ачык конкурсы җиңүчеләре билгеләнде. Җиңүчеләр - Мәскәүнең яшь архитекторлары. Бу хакта «Татар-информ»га Татарстанның баш архитекторы Илсөяр Төхватуллина хәбәр иткән. 
      167
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      784
      0
      5

    Ни өчен "Черек күлне" шулай дип йөртәләр?

    Элекке заманнарда хәзерге Дзержинский урамында берничә күл рәттән Казансу елгасы белән җир асты су юллары аша тоташкан булган. Исемнәре дә үзенчәлекле: Мунча күле («Банная»), Шакшы күл («Поганая»), Пычрак кара күл («Черное»), Черек күл («Гнилое»).

    Ул заманнарда әле хәзерге Черек күл чиста булган, анда хәтта балык тотканнар. Бәлки шуңа күрә ул хәзерге көнгә кадәр саклангандыр? XIX гасырда күлләрнең икесен туфрак, ком белән күмгәннәр, ә калганнарын (шул исәптән Черек күлне) аның ярларын мөмкин кадәр чистартып, ял итү урынына әверелдергәннәр. 1826 елда күлнең ярларына кәс түшәп, агачлар утыртканнар, ә 1847 елда күл тирәсен чуен койма белән әйләндереп алганнар. Алар хәзерге көнгә кадәр сакланган. Тора-бара күлнең пычрануы шул дәрәҗәгә җиткән ки, аны 1889-1891 елларда бөтенләй күмгәннәр. Шулай итеп, ул урында «Черек күл» бакчасы барлыкка килгән. Тора-бара күл урынында чәчәк түтәлләре, рестораннар, павильоннар пәйда булган, хәрби оркестр уены халыкны үзенә җәлеп иткән. Кыш көне ул зур шугалакка әйләнгән. 1894 елда фонтан төзелгән булган.

    XIX гасырның беренче яртысында Шакшы, Пычрак күлләрен күмеп, Тимерчеләр мәйданы корганнар. Аннары ул җирләргә агачлар утыртканнар, фонтан төзегәннәр. Аны Николаев бакчасы дип йөрткәннәр, соңрак 1924 елда андагы җиһазлар яңартыла һәм ул Ленин бакчасы дип йөртелә башлый. Күл күмелгән урыннарда торак йортлар калкып чыккан. Черек күл янында НКВД биналары булган.

    Реклама

    Хәзерге вакытта «Черек күл» паркы үзенең икенче сулышын алды. Паркның яртысын төзекләндерделәр, балалар өчен мәйданчыклар булдырылды, юллар түшәлде. Соңгы вакытларда гына монда «Печән базары» фестивале, китап күргәзмәләре булып үтте. «Черек күл» паркы Казан кунакларын да үзенә тарта башлады. Бигрәк тә төрле бәйрәм чаралары үткәргәндә, кешеләр аеруча күп була. Паркның икенче яртысында (Казан Кирмәне ягында) төзекләндерү, ремонт эшләре дәвам итә.

    http://shahrikazan.ru

    Нравится
    Поделиться:
    Комментарии (0)
    Осталось символов:
    Реклама