«Смена» заманча мәдәният үзәгенең китап фестивалендә бушлай экскурсияләр узачак

10 нчы һәм 11 нче декабрьдә Казанда «Смена» заманча мәдәният үзәге оештырган унынчы китап фестивале кысаларында шәһәр халкы өчен берничә бушлай экскурсия уздырылачак.

10 нчы һәм 11 нче декабрьдә казанлылар «О-Стиль яки Җепшеклекнең График дөньясы» күргәзмәсе буенча экскурсия-медиацияләргә бара ала. Экспозиция өчен Казан рәссамнарының үзенчәлекле һәм уникаль эшләре һәм XX гасырның 50-60 нчы еллар китаплары тупланган. Экскурсияләр 13:00, 15:00 һәм 17:00 сәгатьтә Татарстан Республикасы Милли китапханәсе фойесында башлана. 

10 нчы декабрьдә Казан иконасы музеенда «Балалар һәм ата-аналар өчен иконаның яшерен дөньясына сәяхәт» дигән экскурсия узачак. Анда килүчеләргә Казан Мәрьям Ана иконасының могҗизалы образы туу турында сөйләячәкләр. Экскурсия Большая Красная ур., 10 адресы буенча 12:00 сәгатьтә башлана. 

Казан иконасы музее буенча күзәтү экскурсиясен шәһәр халкы 11 нче декабрьдә карый ала. Кунакларга 100 елдан артык элек Казан Богородица хатын-кызлар монастыреның остаханәсендә алтынга язылган иконоязма памятниклары коллекциясен тәкъдим итәчәкләр. Экскурсия 12:00 сәгатьтә башлана (Большая Красная ур., 10). 

11 нче декабрьдә казанлыларны «Тарих һәм хәзерге заман: Казан үзәге безгә нәрсә сөйләр?» дигән экскурсия көтә. Килүчеләр ТР башкаласының үзәк урамнары буйлап йөриячәк. Тарихчы Лилия Кәлимуллина Skillbox мәктәбеннән ТР Милли китапханәсенә кадәр маршрут буенча экскурсия үткәрәчәк. Анда архитектура, мәгариф, тарих һәм хәзерге заман темалары буенча фикер алышачаклар. Катнашучыларны 11:00 сәгатьтә Большая Красная ур., 52 адресы буенча җыялар. 

Экскурсия программаларында катнашуга теркәлү сылтама буенча үткәрелә, дип хәбәр итә «Смена» заманча мәдәният үзәгенең матбугат хезмәте. 

Исегезгә төшерәбез, быел китап фестивале Татарстанның Милли китапханәсендә узачак. Белем бирү, һөнәри һәм театр программасы планлаштырылган: дискуссияләр, лекцияләр, презентацияләр, концертлар, воркшоплар, күргәзмәләр һәм спектакльләр.

Чыганак: kzn.ru