Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    “Созвездие-Йолдызлык” талантлары Кырымны гөрләтте

    Кырым Республикасының Саки шәһәрендә урнашкан “Зәңгәр дулкын” шифаханәсенең балалар сәламәтләндерү лагеренда “Созвездие-Йолдызлык” эстрада сәнгате фестиваленең җәйге иҗади сменасы уза. Бу уңайдан лагерьда фестивальнең 230 лауреаты һәм җиңүчесе зур бәйрәм концерты куйды.

    Татарстанның 17 муниципаль берәмлегеннән килгән балалар фестивальнең “чыгарылышлары” белән бергә кырымлылар һәм ял итүчеләр өчен күп милләтле республиканың төрле телләрендә җыр куплетлары, Совет һәм Россия композиторларының җырлары, популяр классик һәм джаз вокал әсәрләрен башкарды. Биючеләр хореографик номерларында төрле халыкларның бию традицияләрен күрсәтте. Мондый күпьяклы программа быелгы Туган телләр һәм халыклар бердәмлеге елына багышланган.

    “Созвездие-Йолдызлык” кайда гына булмасын – ул яхшы мәдәни йогынты ясый. Бу концерт та искәрмә түгел һәм һәрвакыттагыча югары дәрәҗәдә узды. Безнең балалар һәр чыгыш ясаган җирдә тамашачыларга бик зур тәэсир калдыра. Чөнки “Йолдызлык” балалары эш белән мәшгуль. Безнең балалар фестивальнең төп программасына әзерлек чорында гына түгел, ә ял вакытында да мәдәнияткә тартыла, үз хезмәте аша тәненең һәр күзәнәген матурлыкка һәм гармониягә буйсындыра, соңрак үзләре барлыкка китергән бу кыйммәтле таш белән үз тамашачылары белән бүлешә”, - дип ышана фестиваль хәрәкәтенең генераль продюсеры Дмитрий Туманов.

    Дөньядагы катлаулы санитар-эпидемиологик вәзгыять аркасында Россия Кара диңгез флоты ветераннары, офицерлары һәм матрослары өчен традицион концертлар быел узмады. Шулай да Татарстан эстрадасының үсеп килүче йолдызлары зур фидакарьлек белән чыгыш ясады.

    Реклама

    “Сәхнәгә бу юлы көч-хәл белән эләктек: иҗади смена белән без лагерьдан читкә чыгып, Бакчасарайда, Севастопольдә һәм башка урыннарда концертлар бирә идек, ләкин пандемия аркасында бу юлы без андый мөмкинлектән мәхрүм калдык. Шуңа күрә бу концерт күптән көтелгән булды. Балалар сәхнәдә рәхәтләнде дип ышанып әйтергә була. Конөертта алар смена буена җыйган энергиясе чыгарды", - дип хис-кичерешләре белән уртаклашты фестивальнең башкарма директоры Наталья Смирнова.

    Пандемия аркасында, узган сезоннар белән чагыштырганда, берникадәр саеккан концерт программасына карамастан, лагерьда иҗади тормыш шактый бай дип белдерде Наталья Смирнова. “Йолдызлык” балалары өчен киң программа оештырыла: фильмнар карау, спорт һәм иҗади чаралар, тематик кичәләр уздыру. Әлбәттә, диңгездә су коенудан һәм кояш ванналарын кабул итүдән башка узмый.

    Оештыручылар программаның белем бирү өлешенә аерым игътибар бирә. Балалар өчен мастер-классларны Россиянең һәм Татарстанның халык артисты, Н.Җиһанов исемендәге Казан консерваториясе профессоры Зилә Сөнгатуллина, Татарстан халык артисты, Татарстан Дәүләт җыр һәм бию ансамбленең баш балетмейстеры Раилә Гарипова, “Дорога из города” бию театры солистлары, шулай ук узган еллардагы фестиваль хәрәкәте җиңүчеләре – Россия театр сәнгате (ГИТИС) институтын тәмамлаучылар үткәрә.

    “Созвездие-Йолдызлык”ның иҗади сменасы бу елның икенче августына кадәр дәвам итәчәк.

    Исегезгә төшерәбез, фестиваль хәрәкәте Татарстан Республикасы Президенты Рөстәм Миңнеханов патронажында һәм ЮНЕСКО эшләре буенча Россия Комиссиясе эгидасы астында уза.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер