Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    СПОРТ БАШКАЛАСЫ ИСЕМЕН ЮГАЛТМАСКА!

    «Спорт - тормыш нормасы» федераль проекты кысаларында Татарстанда спорт үсешен тәэмин итү өчен быел 410 миллион сумга якын акча җәлеп ителгән. Республикабыз яуланган спорт башкаласы исеменә тел-теш тидерергә тиеш түгел бит. Безнең төбәкккә таләпләр дә югарырак. Физкультура һәм спорт белән даими шөгыльләнүчеләр исәбен 2024 елга– 60,2 процентка, 2030 елга – 75 процентка җиткерү бурычы куелган. Гомумроссия күләмендә ирешелергә тиешле күрсәткечләр түбәнрәк - 2024 елга 55 процент, ә 2030 елга – 70 процент гражданнарны спортка тарту күздә тотыла. Бу хакта “Татар-информ” мәгълүмат агентлыгында узган матбугат конференциясендә ТР спорт министры урынбасары Алмаз Мингулов сөйләде. 

    Илкүләм проект максатларына ирешү өчен халыкның барлык категорияләре һәм төркемнәре өчен физик культура һәм спорт, массакүләм спорт белән шөгыльләнү өчен шартлар тудырыла, шул исәптән халыкның спорт объектлары белән тәэмин ителеш дәрәҗәсен күтәрү һәм спорт резервын әзерләү гамәлләре күрелә.

    Реклама

    -    Кукмарада быел сентябрьдә ачылган универсаль спорт залын, Казанда 130 нчы мәктәп территориясендә ачылган физкультура-сәламәтләндерү комплексын, ГТО мәйданчыгын һәм тагын берничә объектны төзү тәмамланды. Шулай ук федераль проект буенча республиканың ун спорт мәктәбенә инвентарь сатып алуда ярдәм күрсәтелде, - дип билгеләп үтте Алмаз Мингулов. 

    Алга таба да бу юнәлештәге эш дәвам иттереләчәк. Якындагы елларда яңа объектлар төзү дәвам иттереләчәк, спорт белән шөгыльләнү өчен ачык мәйданчыклар булдырылачак, инструкторлар һәм тренерлар әзерләнәчәк. Татарстан өчен өстенлекле 31 база спорт төре сайланган.

    Казанның Физик культура һәм спорт комитеты рәисе Альберт Салихов билгеләп үткәнчә, Казанда бүгенге көндә гражданнарның 52 проценты cпорт белән шөгыльләнә. Спикерлар билгеләп үткәнчә, физик культурага тартылучыларның югары күрсәткече, нигездә, зур шәһәрдә яшәүчеләр хисабына ирешелә.  Казан, Чаллы, Әлмәт, Түбән Кама халкы активлык күрсәтә, булган мөмкинлекләрдән бик теләп файдалана. Алга таба массачыл спортка зур шәһәр һәм район үзәкләрен генә түгел, бистә һәм авылларны да җәлеп итәргә ниятлиләр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Ышаныч телефоны
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!