Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Спорт осталарыбыз артты

    Алла җаным, шатландырып та карый бит егетләребез. Яңа елыбыз тагын шатлыклы җиңүләрдән башланып китте бит әле. Шушы көннәрдә генә республикабызда ике дәрәҗәле турнир булып узды.

    Шуларның беренчесе Саба районының Тимершык авылында авылдашлары Идүс Сафин истәлегенә 4 нче мәртәбә узучы турнир булса, икенчесе исә Зәй шәһәрендә  районның элеккеге башлыгы Ринат Фәрдиев истәлегенә Бөтенрусия турниры булды. Тимершыкта ел да кич белән башланып төнге 12 ләрдә генә тәмамланучы үзенчәлекле ярышта бил алышып, Салавыч егете Фәннур Латыйпов 75 килограмм үлчәү авырлыгында икенче булып, күрше-тирә район көрәшчеләрен шаккатырды.

    Реклама

    Ә инде быелдан Зәй шәһәрендә узучы ярышларның статусы үзгәреп, бу ярышларда җиңгән көрәшчеләргә Русиянең спорт остасы, спорт остасына кандидатлык бирелү егетләребезне тагын да рухландырып җибәрде. Берьюлы ике егетебез шушы ярышларда җиңү яулап,районыбызга зарыгып көткән хәбәрне алып кайттылар. Чепьядан Илназ Минмуллин /65 кг/, Арбордан Салават Әсхәдуллин /85 кг/ чемпион булып танылдылар һәм бер көн эчендә  спорт остасы булып куйдылар. Афәрин, егетләр!

    Нурзада Самигуллин

    Теги: көрәш

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!